Popular Bible Verses from Yoni 10

ಶೇರ್

Ta to'ipwala taudi tuga 'idi guinuwa nate simamai be si'i'ipwala ta siloemwawasa ta wate sigieto'umali, ta 'abo'agu yamai be 'enega tomota yawasidi bobo'ana ta maamaana 'eguyega sida loba.”

Ta wate 'ediya 'igwae, “'Abo'agu sipi 'adi to'ita'i'ita bobo'ana, 'enega yawasigu yatagwalena be 'igu sipiyao manudi yamwamwawasa.

Ta 'abo'agu 'igu sipiyao 'enagu sinonona, ta taudi wate yamwalatonidi ga 'enega simulimuliyegu

ta yawasidi ataya ya'ebwa'edi be 'enega geya'abo sito'uto'umali, ta wate geya'abo 'ebweu yaita nimaguyega 'i'oae'oaegu.

'Enega wate 'ediya 'igwae, “'Abo'agu tuga 'awa nina, be 'abo yaita tauna 'eguyega 'iluguma 'ida bobo'ana, manuna tuta yauna 'iluguluguma be 'iapweapwesa ta pwatula bobo'ana 'ilobaloba.

'Enega wate 'ieonedi, “'Abo'agu sipi 'adi to'ita'i'ita bobo'ana, manuna 'igu sipiyao yamwalamwalatonidi ta taudi simwalamwalatonigu.

Taudi sipi nidi Tamagu 'i'ebwa'eguya 'enega geya'abo yaita sa'i Tamagu nimanega 'i'oae'oaena, manuna tauna yage yauyauna 'iloetana sinedi. 'Abo'agu be Tamagu 'ebweuna tuga.”

Nadigega tuga Tamagu 'imwalatonigu ta 'abo'agu wate yamwalatonina. Ta wate 'abo'agu yawasigu ni'atu yatagwalena be 'igu sipiyao manudi yamwamwawasa.

Nigeya 'ebweu yaita 'iloiloinegu be yamwamwawasa. Taugu tuga yatagwalegu be yamwamwawasa, ta sawesaweguya be yawasigu ya'ewa limai. Manuna gete nadigega Tamagu 'ina nuwena, ta wate 'ina loina 'eguya.”

Ta Yesu 'ediya 'ionalimana, 'igwae, “Yaona 'ai'aila 'emiya, 'abo'agu sipi 'idi 'awa nina.

Ta 'abo yaita nigeya tonisipi, ta maisa manuna 'ieto'ita'i'ita, be 'abo kedewa bosasa 'i'ita 'imeema, sipi nidi 'ipilisinedi ta 'idedena. Ta kedewa nina sipi 'aidi 'iloemwawasidi, be matautega sipi maibo'adi si'elelewana.

Ta Yesu wate 'ediya 'igwae, “Yaona 'ai'aila 'emiya, 'abo yaita sipi 'adi 'ali 'awanega nigeya 'ilugulugu ta mali senega 'imwela taona, tauna tuga to'ipwala.