Popular Bible Verses from Matthieu 10

ಶೇರ್

«Tö rhûû, gö tùr̂ùwaa-ve, na ûr̂û pâr̂â mutô rö néjêr̂ê pâr̂â lupo. Tö ökâré, vigâr̂â na gëve ûr̂û mârhùr̂ii, aè kièo na gëve ûr̂û mawi.

Ö kâmö ré âmu i mör̂u xi-e nè yè mâ yèri, aè ö kâmö ré kâyâi mör̂u xi-e na pûû-é na gènyâ, wè nè yè mâ cêmèèr̂i.»

Koa yè bar̂a i pa yö vè mii kar̂ö, wè cér̂é da tâwai bar̂ee yö vè mii ko; aè na e na ki mâ bar̂a i kâmö ka tâwai pè yerii kar̂ö mâ ko rö gééna.

ö kâmö ré da pè sataurö xi-e, mâ da ua-nya, wè na da e yè-nya.

«Tö ökâré, ö kâmö ré üü xi-nya rö némèè pâr̂â kâmö, gö yè üü xi-e bar̂ee rö némèè Pevaa xi-nya rö rua nékö. Ö kâmö ré vi yiâ xi-nya rö némèè pâr̂â kâmö, gö yè mâ vi yiâ xi-e bar̂ee rö némèè Pevaa xi-nya rö rua nékö.»

Pè mör̂u pâr̂â pèii na gëve, mâ câ vè lë e pâr̂â pâr̂ê, mâ pè tömâ rua pâr̂â kâmö pa pèii mé, mâ yayâwâ pâr̂â u. Gëve dè cëi vi bwir̂i, na e na gëve dè nââ vi bwir̂i.

Tö ökâré, koa yè bar̂a, gëve dö kââ rai pâr̂â nônô ka pôr̂ô yéyé.»

«Koa yè tâ néxâi, êr̂ê, gö pwa xar̂a nâânévâ yè bwêê jë. Gö da pwa xar̂a nâânévâ, aè ö taua rö.