Popular Bible Verses from Luc 14

ಶೇರ್

«Nè yè mi ua-nya na dèxâ kâmö, ka da rhîaa i pevaa xi-e, mâ pâni-e, mâ bwè xi-e, mâ pâlè-è, mâ pâ béé ër̂i-e, pâi mâ powè, mâ mör̂u xi-e bar̂ee, nè da tâwai yè kâmö ka pwêr̂êwaa-nya.

Aè ö kâmö ré da kââ sataurö xi-e, mâ ua-nya xar̂a, nè da tâwai yè kâmö ka pwêr̂êwaa-nya.

Wè é yè pè kau kâmö ré pè yar̂i-e, aè é yè pè yar̂i kâmö ré pè kau-é.»

Tö ökâré, ö kâmö rai-ve ré da kâyâi pâr̂â kââ wânii ré tö pwar̂a-è, nè da tâwai yè kâmö ka pwêr̂êwaa-nya.»

Wè wîr̂î rai-ve ré bar̂i vâi dèxâ mwâ ka mwââ rua, na ki da cuè baayê wîr̂î cè ki tâ néxâi yè pè urhii, êr̂ê, na wêr̂êi na wii rö pwar̂a-è na ka pâr̂i cè ki mâ waa pè puu? Koa wi yùè kavèè, na bör̂i da tâwai waa pè cowa, cér̂é yè bör̂i rhônô i-e na pâr̂â kâmö ré tö rhûû-é, mâ êr̂ê: “Ö wi-a, wè na rhavûû ké yè vâi, aè na da tâwai waa kwéyë!”

Aè gè bar̂i u bwêê, dè yùè nô yè pâi paxa rhauadè, mâ paxa bör̂i, mâ paxa bwi, mâ paxa bee. Wè nè kau mâmâ na ko-i xè-i ké yèri ké-r̂é pè rhègèwè yè-i, aè é yè mâ rhègèwè yè-i tëë rèi nédaa né mör̂u tëë i pâi paxa târi.»

«Na kââ ka e na yöö, aè nè yè yèri mâ ké yè mâi xi-e, nè yè bör̂i mâ mâi xè xi-yé? Na da pâr̂i tëë cè ki mâ nââ rö néjë töwè na ki mâ nââ rö rheevâ, é yè bör̂i yer̂e virai rö bwêê wêyê. Ö kâmö ré wii na böödê ka pwêr̂ê, pwêr̂ê na ce!»