Popular Bible Verses from Matei 5

ಶೇರ್

Iwanu ng'awotuwa bae chitasa na kuchighubika ne iseghe, ila wochika hanu ha kwikila chitasa, nacho chowamulikila iwanu wose iwali mng'anda. Pfipfila namwe ghumwanga ghwenu ghumulike hambele he iwanu, nawo waghone ghala ighanoghile ighamtenda, wamtunitse Aba wenu iyali kulanga.

“Mwemwe mwa ghumwanga ghwe iisi. Kaye ing'awa mchidando ng'aidaha bae kwipfisa.

Wabweda awala wane imimoyo inoghile, kwaapfila watsomwona Imulungu.

Wabweda awala wane inzala ne ing'ilu ya kutenda ghayobama Imulungu, kwaapfila Imulungu katsowaghutitsa.

Lekeni nene nowalongelani, muwanoghele iwehile wenu na muwalombele awala iwomdununzani

Wabweda iwanu wala iwomuhuwila Imulungu, kwaapfila Undewa we kulanga wawo.

Wabweda awala iwalamulitsi, kwaapfila watsokemighwa iwana we Imulungu.

Wabweda awala wane usungu, kwaapfila watsokanzighwa.

Wabweda awala iwodununzika kwa kutenda aghala ghayobama Imulungu, kwaapfila undewa wa kulanga wawo.

Wabweda awala wane libatsi, kwaapfila Imulungu katsowonela libatsi.

“Mbweda iwanu hawatsomlighani na kumdununzani na kumlongani pfihile kwa ughutsu, kwaapfila mwemwe mwoniwinza nene. Mdeng'e na kudeng'elela kwaapfila ghweko lyenu kulu likighwa kulanga, apfi pfipfo manabii wa ghumwande we Imulungu pfawadununzike hala ng'ana mwemwe mwelekighwe.

Wabweda awala iwahole, kwaapfila watsoihala iisi.

“Mwemwe mwa imunyu ye isi. Lekeni imunyu ing'ahinyika, angu mtsoghuma choni mbaka ikole keli? Yahela sang'ano bae, apfo yakwasighwa kunze na iwanu woibayugha.

Muwe watimilifu, ka Aba wenu iyali kulanga pfayali mtimilifu.

Mng'alonga ‘Ona,’ iwe ‘Ona,’ na mng'alonga ‘Bae,’ iwe ‘Bae.’ Ichinu chochose kubita agha, cholawa kwa Yehile.

“Muhulika tsailongighwa, ‘Inenge kwa inenge, na tsino kwa tsino.’ Lekeni nene nowalongelani, mleke kwihisanya ne imunu yehile. Imunu ang'akutowa kanza lya kujilo, pfipfila umleke yakutowe kanza lya kumoso.

Ka inenge yako ya kujilo yokuhonza utende ghehile, uing'ole uyase kutali naghwe. Ng'apfu kwaghisa chilungo chako chimwe, kubita kululeka lukuli lwako lwose lwasighwe mne ghumoto ghwa jehanamu. Na ghumoko ghwako ghwa kujilo ka wokuhonza utende ghehile, ughane, ughwase kutali naghwe. Ng'apfu kwaghisa chilungo chimwe, kubita kululeka lukuli lwako lwose lwasighwe mne ghumoto ghwa Jehanamu.