Popular Bible Verses from Pe eya 17

ಶೇರ್

Swaga ge Abram ne ke del wara lamaɗo para lamaɗo ɗe, Bage ɗiŋnedin dyan tene Abram ta, jan na go: «Mbi Dok ge pool pet ne, ke mborra mbi ndwara se, ká mbyatɗa tap.

A mbo gwan tol mo Abram to, amma mo dḭl mbo gá Abraham. Ago mbi mbo saŋge mo, pehir ma ɓase gḛ bá.

Mbi mbo koy wak tuli ge mbi ne ke na ne mo, ne mo báŋ ma mo go̰r go, doŋ pe ma ne doŋ pe ma, ɗiŋ mbo ɗiŋnedin. Mbi mbo kat mo Dok, ne Dok ge mo báŋ ma ge ne mo go̰r ya ma ne me.

«Ndi wak tuli ge mbi ne ke ne mo no: Mo mbo kat pehir ma ɓase gḛ bá.

Amma Dok jan na go: «A go to, mo gwale Sara sḛ mbo tol mo vya, mo mbo hon na dḭl Isaku. Mbi mbo ke wak tuli ne na, ne na vya kon ma me, wak tuli mbe mbo kat ɗiŋnedin.

Suwal ge mo ne ka gwasal ne go no, mbi mbo hon aŋ ne mo báŋ ma na, ndwara go suwal Kanan mwaɗak, mbo kat nama joo ɗiŋnedin, mbi me, mbi mbo kat Dok ge nama ne.»

Abraham kubi na ndwara suwar se, man, jan na dulwak zi go: «Ndu ge ne ke ya del kis, da ne pool gwan tol vya ɗaa? Sara me, ne del wara lamaɗo, da ne pool gwan tol vya ɗaa?»

Uwale, Dok jan Abraham go: «Mo mbo gwan tol mo gwale Saray dḭl Saray ta to, amma na dḭl ga Sara.

Ba̰y vyanna mbo kat kaŋ ŋgayya ge wak tuli ge nee ne ke ta buwal zi.

Amma ne wak tuli ge mbi ne ɗe, mbi mbo ke na dḛ da ne Isaku, na ge Sara mbo tol mo na ya demle, swaga mbe go no tem.»

Vya son ge daage dam tiimal go̰r tolla ge na ne go, aŋ mbo vyan na ba̰y. Mbo kat go no aŋ buwal zi doŋ pe ma ne doŋ pe ma. Mbo kat go no uwale ne aŋ dore ma ge ne tó aŋ yadiŋ, ko ge aŋ ne yá na yat, ge ne aŋ hir zi to. Dore ge ne tó mo yadiŋ, ko ge mo ne yá na yat ne bware, mo mbo vyan na ba̰y, ne da pe wak tuli ge mbi ne na ka njaŋge njaŋge aŋ sḛ duur ma ta dimma ne wak tuli ge ɗiŋnedin go.