Popular Bible Verses from San Mateo 18

ಶೇರ್

Mamo oijape mocoî terâ mbojapŷ oñembyaty vaecue Che rérape, upepe voi Che aime iyapytépe cuera.

Upeicha avei Che jae peême oime ramo mocoî peêcuérava pende pyáyoyá vaecue co ybyari oimeraêva mbae peyerure vaerâ reje, oyeyapone catuetei peême pe Che Ru yvagape oiva rupi.

Upei catu ojenôi peteî mitâmimime ja omoñemboŷ ichupe iyapytépe cuera, ja jei: Che jae peême catuetei peñemboyere ŷ ramo peê ja peñembo jecómitâ ŷ ramo, nda iyaichene peême peyejeá pe yvapegua ruvicha guasu rejegua reje.

Upeicharamo, oimeraêva oñemo mîrîva co mitâicha, upéva catu pe tuvichavéva pe yvagapegua ruvicha guasu rejegua paûme.

Upeicha avei oimeraêva oguerojorŷva coaichagua mitâme Che réra rejejápe Cheve avei Che rerojorŷ.

Upeicharamo Che jae peême catuetei oimeraêva mbae peñapytî vaecue cóicha co ybyari, opytáne ñapytîmbyré yvagape avei, ja oimeraêva mbae peyorá vaecue cóicha co ybyari, opytáne yerapyré yvagape avei.

Upeichaite Che Ru yvapegua avei oyapone peême peê peñoñyrô ŷ ramo oyoupe pende pyaite guive opavavé peêva pende reŷí rejeguava.

Upeicha avei oimeraêva ombojecotieŷva peteîva coa mîchîva oyeroviáva Cherejepe, ipôrâve vaerâ oñeñapytî iyayúri itá tuvicha iyapuáva omboŷguŷ jaguâ pe ŷguasu ruguápe.

¿Mbaetecópa? ¿Mbaépa jiâ peéme? Sapya oime ramo peteî carai oguerecóva cien ovechá ja opiá ramo ichugui peteî ichugui cuérava, ¿ndo jeyai chepane umi noventa y nueve umi itáatŷra rupi ojo jaguâ pe opia vaecue réca.