Popular Bible Verses from Joni 7

ಶೇರ್

O koya sa vakabauti au, me vaka e kaya na i Vola Tabu, ‘Ena dave mai lomana na veiuciwai ni wai ni bula.’ ”

Ena i otioti ni siga ni Solevu, na siga bibi duadua sara ena Solevu, sa qai tu cake o Jisu ka kaci, ka kaya, “Kevaka sa viagunu e dua na tamata, me lako mai vei au, ka gunu!

A sa tukuna o Jisu na ka oqo me baleta na Yalo Tabu, ka na soli vei ira era sa vakabauti koya ena dua na gauna e muri. Ka ni a se sega ni soli na Yalo Tabu ena gauna o ya baleta ni se bera ni kau cake o Jisu ki na nona i tikotiko lagilagi.

Ni kakua ni dau lewa na ka ena kena i rairai ga, ia ni vakataulewa ga ena i vakarau ni lewa dodonu.”

O koya e vosa ena nona kaukauwa ga vakai koya sa vakasaqara voli ga na ka me dokai kina. Ia o koya sa vakasaqara na dokai me soli vua sa talai koya mai, sa tamata dina o koya, ka sa sega vua na cala.

Sa qai sauma vei ira o Jisu, ka kaya, “E sega ni noqu na i vakavuvuli au sa vakatavuvulitaka tiko vei kemuni, sa nona ga ka sa talai au mai.

E sega ni rawa ni cati kemudou o vuravura, ia sa cati au ga, baleta ni'u sa tukuna tikoga vua ni sa ca na nona i valavala.