Popular Bible Verses from Joni 19

ಶೇರ್

Ni sa gunuva oti na wai wiwi o Jisu, sa qai kaya, “Sa oti!” Ni sa oti o ya sa qai vakacuvara na uluna, ka solia yani na yalona.

Ni sa oti o ya, ka sa kila o Jisu ni sa vakacavari na ka kecega, me vakayacori sara kina na i Vola Tabu, sa qai kaya, “Au sa viagunu.”

A sa raici tinana o Jisu kei koya na tisaipeli sa dau lomana ni rau tucake vata tu e kea; a sa qai kaya kina vei tinana, “Yalewa, na luvemu oqori.” Sa qai kaya vua na tisaipeli, “Oqori na tinamu!” Mai na tiki ni gauna o ya, a sa kauti koya sara na tisaipeli o ya ki na nona vale.

Ia ni ratou sa yacovi Jisu yani, e ratou sa raica ni sa mate oti tu, era sa sega kina ni musuka na yavana. Ia e dua vei ira na sotia sa qai suaka na sarisarina ena dua na moto, ka sa dave mai kina na dra kei na wai.

Era sa yaco na veika oqo me vakayacori sara kina na i Vola Tabu: “Ena sega ni ramusu e dua na suina.” E dua tale na tiki ni Vola Tabu e kaya, “Era na rai yani vua, o koya era a suaka.”

Sa qai lako yani o koya, ka colata na nona kauveilatai, ka yaco ki na vanua e vakatokai na “Vanua ni Qavokavoka” ka vakatokai o Kolikoca ena vosa vakaiperiu.

Era a talia e dua na i sala wavakavotona o ira na sotia, ka vakaisalataki Jisu kina, ka vakaisulutaki koya ena dua na i sulu lokaloka