Popular Bible Verses from Vakatekivu 24

ಹಂಚಿಕೊಳ್ಳಿ

Sa qai masu na dauveiqaravi ka kaya, “Kemuni Jiova, na Kalou i Epara-ama na noqu Turaga, ni solia me'u rawata na ka au sa lako mai kina ena siga edaidai ka vakayacora na ka o ni sa yalataka vua na noqu Turaga.

Ia na yalewa ka'u na kaya vua, ‘Yalo vinaka, mo biuta sobu mada ki ra na nomu saqa me'u bau gunu,’ ka me qai kaya na yalewa, ‘Mo gunu mada, ka'u na vagunuvi ira talega na nomu kameli,’ ia me o ya sara ga na yalewa o ni sa digitaka vua na nomuni tamata o Aisake. Ena ka oqo au sa na kila kina ni sa dei tikoga na nomuni yalayala vua na noqu turaga.”

Sa qai kauti Repeka yani o Aisake ki na valelaca i Sera na tinana, ka sa tauri koya me watina. A sa lomani koya o Aisake, ka sa solia vua na yalo vakacegu ni oti na mate i tinana.

E ratou sa qai vosa vakalougatataki Repeka ka kaya vua. “Mo yaco o iko, na ganei keitou, mo tinadra na udolu vakaudolu! Ka me ra vakadruka na veikoro ni meca o ira na nomu kawa!”

Au vinakata mo bubului ena yaca i Jiova, na Kalou ni lomalagi kei na vuravura, ni o na sega ni digitaka e dua na watina na luvequ tagane mai vei ira na luvedra yalewa na kai Kenani ena vanua au tiko kina. Mo na lako ga ki na noqu vanua ni sucu, ka la'ki kauta mai kina e dua na wati Aisake na luvequ mai vei ira na wekaqu.”