Popular Bible Verses from Mateo 5

Mateo 5:15-16

Iriniane Tasorintsi

Ario ikañotaka aikiro mechero yogimataganira tera ario intatakotenkani kovitiku, ontityo yovitakotunkani enoku kameti irontenenkakoigakeriniri maganiro naigankitsirira pankotsiku. Ario pinkañoigakempa viroegi pinegintevageigakempara povetsikaigakerora kametiripage kameti ineaigakempiniri maganiro, ovashi inkantaiganake pairo ikametiti Piri timatsirira enoku.

ತಾಳೆಮಾಡಿ

Mateo 5:15-16 ಅನ್ವೇಷಿಸಿ

Mateo 5:14

Iriniane Tasorintsi

“Aikiro viroegi kañoigamatakavi tenenkakoigiririra maganiro matsigenkaegi. Pineirotari pankotsipage ovetsikagetunkanira otishiku apatotunkanira otovaigavagetityo kara, ¿matsi gara oneagani? Oneakenkanityo, koneataketari.

ತಾಳೆಮಾಡಿ

Mateo 5:14 ಅನ್ವೇಷಿಸಿ

Mateo 5:8

Iriniane Tasorintsi

“Pairotari irishinevageigakempa maganiro suretasanoigakemparinerira Tasorintsi impanirotasanoiganakerira, impoginitari iriaigake itimira ineaigakerira.

ತಾಳೆಮಾಡಿ

Mateo 5:8 ಅನ್ವೇಷಿಸಿ

Mateo 5:6

Iriniane Tasorintsi

“Pairotari irishinevageigakempa maganiro kogasanoigankitsinerira intsatagageigakerora magatiro ikogagetakerira Tasorintsi, iragaveakagaigakeritari irirori inkañoigakerora maika.

ತಾಳೆಮಾಡಿ

Mateo 5:6 ಅನ್ವೇಷಿಸಿ

Mateo 5:44

Iriniane Tasorintsi

Kantankicha naro nonkantaigakempi pinkavintsajaigakerityo iriroegi kisashiigakempirira, aikiro piniaventaigakerira maganiro tsipereakagaigimpirira.

ತಾಳೆಮಾಡಿ

Mateo 5:44 ಅನ್ವೇಷಿಸಿ

Mateo 5:3

Iriniane Tasorintsi

“Pairo okametitake pinkantaigakera: ‘Garika itsarogakagana Tasorintsi tyampa nonkantakempa, teranika tatakona nagaveimagete naro tsikyata.’ Antari pinkañoigakemparika maika ario pinkante pishinevageigakempa impegakempatari Tasorintsi Pigoveenkariegite.

ತಾಳೆಮಾಡಿ

Mateo 5:3 ಅನ್ವೇಷಿಸಿ

Mateo 5:9

Iriniane Tasorintsi

“Pairotari irishinevageigakempa maganiro gametiaigaerinerira itovaireegi, impegakagaigakeritari Tasorintsi itomiegi.

ತಾಳೆಮಾಡಿ

Mateo 5:9 ಅನ್ವೇಷಿಸಿ

Mateo 5:4

Iriniane Tasorintsi

“Pairotari irishinevageigakempa impogini maganiro onkenkisureakagaigakemparira maika tatapagerika oita terira onkametite, irogishineaigaeritari Tasorintsi.

ತಾಳೆಮಾಡಿ

Mateo 5:4 ಅನ್ವೇಷಿಸಿ

Mateo 5:10

Iriniane Tasorintsi

“Pairotari irishinevageigakempa maganiro iratsipereakagaigakenkanirira inkisaviigakenkanira ikematsaigakerira Tasorintsi itsatagageigakerora ikogagetakerira, matakatari pegaka Tasorintsi Igoveenkariegite.

ತಾಳೆಮಾಡಿ

Mateo 5:10 ಅನ್ವೇಷಿಸಿ

Mateo 5:7

Iriniane Tasorintsi

“Pairotari irishinevageigakempa maganiro tsarogakagantaigankichanerira, intsarogakagaigakemparitari Tasorintsi iriroegi aikiro.

ತಾಳೆಮಾಡಿ

Mateo 5:7 ಅನ್ವೇಷಿಸಿ

Mateo 5:11-12

Iriniane Tasorintsi

“Maika atsi shinevageigempa viroegi pineaigakera irovosanteaigakempira pitovaireegi, inkisavintsavageigakempira, aikiro intsoeventavageigakempira ineaigakera pikematsaigakenara naro. Ariotari ikañoigunkaniri kamantantaigatsirira pairaninirira yatsipereakagaigunkanira ikisaigunkanira. Antari pineaigakera inkañoigakempira maika, pishinevageigakempatyo kara, pogoigaketari pairotyo irogishineavageigakempi Tasorintsi impogini anta enoku.

ತಾಳೆಮಾಡಿ

Mateo 5:11-12 ಅನ್ವೇಷಿಸಿ

Mateo 5:5

Iriniane Tasorintsi

“Pairotari irishinevageigakempa maganiro tsipereakoigankichanerira magatiro tatarikara oita pokashiigakerine, impoginitari ineaigakero magatiro ikashigakagaigakaririra Tasorintsi.

ತಾಳೆಮಾಡಿ

Mateo 5:5 ಅನ್ವೇಷಿಸಿ

Mateo 5:13

Iriniane Tasorintsi

“Viroegi onti pikañoigakaro tivi. Pineirotari tivi opochatira pairo okogasanotagani, kantankicha antari omasankatera ganigera opochatai, ¿ario tatatyo onkogavitaenkani? ¿Matsi tyampatyo onkantaenkani kameti ompochatanaera? Ontityo ovuokakenkani parikoti okenapinitaganira agatitinatakenkanira.

ತಾಳೆಮಾಡಿ

Mateo 5:13 ಅನ್ವೇಷಿಸಿ

Mateo 5:48

Iriniane Tasorintsi

Irorotari nonkantantaigakempirira maika pinkavintsaantavageigakera pinkañoigakemparira Piri timatsirira enoku ikavintsaantavagetira.

ತಾಳೆಮಾಡಿ

Mateo 5:48 ಅನ್ವೇಷಿಸಿ

Mateo 5:37

Iriniane Tasorintsi

Gara tatoita piniakotumaigi, intagatityo pinkantaigake: ‘Jeeje, arisano’, ontirika pinkantaigake: ‘Teratyo.’ Antari ontirika piniakogeigake tatarika oita kameti inkematsaigakempiniri pashini, intityo suretagaigakempine kamagarini.

ತಾಳೆಮಾಡಿ

Mateo 5:37 ಅನ್ವೇಷಿಸಿ

Mateo 5:38-39

Iriniane Tasorintsi

“Viroegi pogoigakerotari okantunkanirira pairani: ‘Tyanirika tisoreaatantakerone okitsi ariotyo inkañotagakenkani irirori intisoreaatakenkanityo iroki. Aikiro tyanirika tinkaraitantakerone aitsi, ariotyo inkañotagakenkani irirori intinkaraitakenkanityo irai.’ Kantankicha naro nonkantaigakempi gara pipugaigari kisaigakempinerira. Kañotari intimera taakempinerira pivoroku garatyo pipugatari.

ತಾಳೆಮಾಡಿ

Mateo 5:38-39 ಅನ್ವೇಷಿಸಿ

Mateo 5:29-30

Iriniane Tasorintsi

Irorotari nonkantantaigakempirira maika irorora kañovagetagakempine poki pakosanorirakutirira ariometyo pinkitsogitakerome, pairotari okametitake pinegintetasanovagetakempara impo pinkamanakerika piatakera pintimimotakerira Tasorintsi, avisakero pinkañovagetakempara impo pinkamanakerika piatakera morekariku. Aikiro pakosanorira irorora kañovagetagakempine ariometyo povatuakerome, pairotari okametitake pinegintetasanovagetakempara impo pinkamanakerika piatakera pintimimotakerira Tasorintsi avisakero pinkañovagetakempara impo pinkamanakerika piatakera morekariku.

ತಾಳೆಮಾಡಿ

Mateo 5:29-30 ಅನ್ವೇಷಿಸಿ

Popular Bible Verses from Mateo 5ಶೇರ್

Mateo 5 ಗೆ ಸಂಬಂಧಿಸಿದ ಉಚಿತ ಓದುವ ಯೋಜನೆಗಳು ಮತ್ತು ಆರಾಧನೆಗಳು

Popular Bible Verses from Mateo 5