Popular Bible Verses from Génesis 9

ಶೇರ್

La̱in tinqꞌue jun retalil li contrato li tinba̱nu e̱riqꞌuin ut riqꞌuineb le̱ ralal e̱cꞌajol joꞌ ajcuiꞌ riqꞌuineb chixjunileb li xul. La̱in tinqꞌue li xo̱quikꞌab chiru li choxa. Aꞌan li retalil li xinyechiꞌi e̱re ut re li ruchichꞌochꞌ.

Nak tincuil li xo̱quikꞌab saꞌ li chok, junelic ta̱julticokꞌ cue li cꞌaꞌru quinyechiꞌi chak e̱re joꞌ ajcuiꞌ reheb li xul.

Li ani tixcamsi junak ras ri̱tzꞌin, ta̱camsi̱k ajcuiꞌ aꞌan. Xinye aꞌin xban nak la̱in quinyoꞌobtesi li cui̱nk joꞌ li cuiloba̱l la̱in.

Li Dios quirosobtesi laj Noé joꞌ eb ajcuiꞌ li ralal. Ut quixye reheb: —Chicua̱nk e̱cocꞌal ut chexnabalokꞌ toj retal texta̱mk saꞌ chixjunil li ruchichꞌochꞌ, chan li Dios.

Xinqꞌue e̱re chixjunil li acui̱mk chokꞌ re e̱tzacae̱mk. Anakcuan tinqꞌue ajcuiꞌ e̱re chixjunil li xul. Chixjunil li cꞌaꞌak re ru tinqꞌue chokꞌ re e̱tzacae̱mk.

—Chixjunileb li xul li cuanqueb saꞌ ruchichꞌochꞌ teꞌxucua̱nk e̱ru. Teꞌxucuak li xul li nequeꞌbe̱c saꞌ chꞌochꞌ, joꞌ ajcuiꞌ li xul li nequeꞌrupupic, joꞌ eb ajcuiꞌ li car li cuanqueb saꞌ li haꞌ, xban nak la̱at chic ta̱cua̱nk a̱cuanquil saꞌ xbe̱neb chixjunileb li xul.

Chicua̱nk nabal le̱ cocꞌal ut chexqꞌuia̱nk. Chexta̱mk ut chexnabalokꞌ saꞌ ruchichꞌochꞌ, chan li Dios.