Popular Bible Verses from Iuwãu 15

ಶೇರ್

Uito iꞌyp ewy eipe haga koꞌi ewy. Miꞌi hawyi uhetiat satꞌe rakaria wo eweikupteꞌen pote Uito iꞌewyte ehetiat satꞌe rakatno areineꞌen. Uhetiat satꞌe haria eweikupteꞌen pote pywo haat rakaria wo eweipyhuꞌat. Maꞌato yt satꞌe uhetiat rakaria wo i pote yt kat i ewetunug yt iꞌyp esaika hap kaipyi i pote.

Haga mitek taꞌyn merep hap ewy igag. Miꞌi hap ewy kahato eipe yt eweikupteꞌen i uiwywo pote e. Eweikupteꞌen no yt pya hin i uikai aikotã haga satꞌe kahato rakat iꞌyp ete hap ewy waku miꞌi tã uimohey eipe e. Haga yt satꞌe i uhete pote yt karãpe i haatꞌe. Miꞌi tupono waku haga koꞌi satꞌe kahato toꞌyp ete rakaria ewywuaria eweipyhuꞌat e. Yt eweikupteꞌen i uhete pote yt karãpe i haat rakatno eweikupteꞌen e.

Eiwepytyk uhete pote uimienoi ehepiat toineꞌen motꞌi eiwywo hawyi kat kat koꞌi eimiẽtup eimikyꞌesat ewy topyhuꞌat eipo pe raꞌyn e.

Taꞌi uiwyriaꞌin eipe ti yt uiꞌairo i maꞌato Eikaꞌiwatno maꞌato Uito worohoꞌoꞌairo eipe uhemiitꞌinno. Miꞌi hawyi worohoꞌopoꞌoro uhehay moherep miitꞌin miat hamo iꞌewyte wakuap sese nug hamo yt ikahuro i rakat motpap nug hamo worohoꞌopoꞌoro uiwyriaꞌin e. Waku eikaipyi tuwemoherep kahato ywa koꞌi ewy wuatꞌi eꞌat piat ieineꞌen hanuaria wo e. Miꞌi tã hap ewy pote kat koꞌi kat koꞌi eweikyꞌesat hawyi ewehẽtup o Uiꞌywot pe hawyi tutum ehepe eimikyꞌesat oktan uhet upiat ewehẽtup pote uhytꞌiꞌin e.

Pyno wẽtup ok aiwy ete poityꞌi niatpo hawyi watuwat raꞌyn ipowyro hamo aiwy kyꞌe kahato pote e. Pyno wẽtup ok tuweꞌauka towy ehakyeraꞌat hamo pote toikyꞌe kahato hap toimoherep e. Katupono yt kat i poꞌog miꞌi hap kai wẽtup ok ikuꞌuro towy ehakyeraꞌat hamo hap oktan ikuꞌuro raꞌyn towy ehakyeraꞌat hamo.

Miꞌi hawyi eipe mikoi yp iaga ewy eweikupteꞌen e. Haga yt haat i rakat tohywytip iꞌywytꞌokpy hawyi haga yt naku i rakat toiterek yt imosat i hat miꞌi hawyi iraniaꞌin haga koꞌi haat kahato i raꞌyn e.

Uhepiat einapin sese hap ahenoi i ehepe einapin hap koro mio tã areꞌe i -Eiwoꞌokyꞌe ro aikotã Uito worohoꞌokyꞌe hap ewy areꞌe i e.

Karãpe hewo hewo haga ete pyi ywa he rakat pote Tupana motypot haria wo imowato haria wo eweikupteꞌen. Iꞌewyte iꞌyp kaipyi ywa iꞌatu rakaria he rakaria tukupteꞌen hawyi uimotypot hap eweimoherep iraniaꞌin me e.

Miꞌi hawyi ti Iesui tiꞌatumuꞌe topotmuꞌeria -Uito ti mikoi yp ewy Uiꞌywot wyti ikoi hat ewy e.

Uwe uwe yt satꞌe i uhete pote aikotã haga mipun wo yn waku rakatno toineꞌen. Miꞌi hawyi meremo igag naꞌyn. Miꞌiria ti yt kan hamo i hawyi aria miꞌu wo yn tukupteꞌen.

Eiwoꞌomowepiit hap yn ni atikyꞌesat uiwyriaꞌin e. Miꞌi pote haꞌawyte pyi te worohoꞌonapin kahato e. Atikyꞌesat kahato eiwoꞌomowepiit hap sese uiat uiwepiit hap atikyꞌesat eipyꞌa pe e. Miꞌi pote worohoꞌonapin haꞌawyte pyi eimowepiit hamuat uhepiat einapin nug hamuat e.

Uito atunug yne Uiꞌywot mikyꞌesat ewy miꞌi pote uikyꞌe kahato. Miꞌi hap ewy uimikyꞌesat ewetunug mote worohoꞌokyꞌe kahato Uito wy e.

Miꞌi pote atikyꞌesat kahato eiwoꞌokyꞌe kahato hap e. Eiwoꞌokyꞌe ro eiwoꞌope e.

Yt uimohey i haria wo eipe pote ten iraniaꞌin eikyꞌe haria wo tukupteꞌen maꞌato uimohey haria eipe pote yt eikyꞌe hin i katupono yt uimohey i haria tok pyi worohoꞌoꞌairo uhemiitꞌinno hawyi yt iꞌatuwat i raꞌyn eipe eweipyhuꞌat e. Miꞌi tupono yt iꞌatuwese i ehete e.