Popular Bible Verses from Luk 8

ಶೇರ್

Bat olketa sid wea olketa foldaon long gudfala graon nao, hemi olsem taem olketa pipol olketa herem toktok ya, an olketa gohed fo kipim long maen blong olketa wea hemi gud an hemi stret fogud. An olketa gohed olsem, go-go olketa garem gudfala frut long olketa nao.”

An olketa sid wea olketa foldaon long ples wea rut blong nilagras hemi stap long hem nao, hemi olsem taem olketa pipol herem toktok ya, bat olketa wari tumas nomoa abaotem enikaen samting. An olketa lavem tu olketa risis long disfala wol, an enikaen samting moa fo mekem olketa hapi. So toktok ya hemi no save garem eni frut long hem nomoa.

An olketa sid wea olketa foldaon long graon wea hemi stap antap long bikfala ston nao, hemi olsem taem olketa pipol olketa herem toktok ya, an olketa tekem an hapi wetem, bat hemi no go dip insaet long maen blong olketa nomoa. Olketa biliv fo lelebet taem nomoa, an taem hadtaem hemi kam, olketa lusim go evrisamting nao.

An Jisas hemi talem olketa disaepol olsem, “?Waswe, wea nao biliv blong yufala?” Bat olketa fraet an sapraes tumas nao an olketa askem olketa seleva olsem, “?Maewat, watkaen man nao ya? !Hemi tokstrong long win an olketa wev an tufala save obeim hem nomoa!”

An olketa sid wea olketa foldaon long rod, hemi olsem taem olketa pipol olketa herem toktok ya, bat Seitan hemi kam an hemi tekemaot toktok ya from maen blong olketa, mekem olketa no save biliv an God hemi no save sevem olketa.

“So hemi olsem tu long enisamting wea hemi staphaed distaem, bae hemi save kamaot long klia ples nomoa ya. An enisamting wea olketa haedem, bae olketa pipol save luksave long hem nomoa taem hemi kamaot long klia ples.

Nao taem woman ya hemi luksave dat hemi no save staphaed, hemi barava seksek fogud nao, an hemi kam an nildaon long frant blong Jisas. Nao long frant blong olketa pipol ya, woman ya hemi talemaot long Jisas waswe nao hemi tasim kaleko blong hem. An hemi talemaot tu, dat semtaem hemi tasim hem nomoa, sik blong hem hemi barava finis from hem nao. Nao Jisas hemi talem hem olsem, “Woman, biliv blong yu hemi mekem yu fo gudbaek moa. Yu go an yu no wari moa.”

Nao olketa disaepol olketa go an wekapem Jisas, an olketa sei, “!Masta, Masta! Kolsap yumi dae nao.” Nao Jisas hemi stanap an hemi tokstrong long win ya an olketa wev ya, an semtaem nomoa, win ya hemi stop nao an wata ya hemi kuaet moa.