Popular Bible Verses from Luk 5

ಶೇರ್

Taem Jisas hemi toktok finis long olketa pipol nomoa, hemi tok olsem moa long Saemon, “Yu tekem bot ya go long dipwata, an yufala torowe godaon olketa net, mekem yufala save kasem samfala fis.”

Nao Saemon hemi tok olsem, “Masta, mifala bin wakahad tumas long fulnaet ya, bat mifala nating kasem eni fis nomoa. Bat from yu talem mi olsem, oraet, bae mi torowe godaon olketa net ya moa.” Taem olketa torowe godaon olketa net nomoa, plande fis tumas nao olketa pas long hem, go-go olketa net blong olketa kolsap brek nao.

Bat plande taem tu, Jisas hemi go seleva fo prea long olketa ples wea no eniwan hemi stap long hem.

So mi no kam fo kolem olketa stretfala pipol, bat mi kam fo kolem olketa pipol wea olketa garem sin, mekem olketa save lusim olketa ravis wei blong olketa.”

Taem Saemon Pita hemi lukim diswan nomoa, hemi nildaon long frant blong Jisas, an hemi tok olsem, “Masta, yu goawe from mi nao, bikos mi man wea mi garem sin.”

Nao Jisas hemi tok olsem long olketa, “Yufala save, pipol wea olketa i no sik, olketa no wande fo lukim dokta. Bat pipol wea olketa sik nao olketa wande fo lukim dokta.

So olketa man ya pulum tufala bot ya go long soa nomoa, an olketa lusim evrisamting an olketa go falom Jisas nao.

Nao Jisas hemi stap long wanfala taon, wea wanfala man hu hemi garem ravis sik blong skin hemi stap long hem ya. Taem man ya hemi lukim Jisas, hemi kam an nildaon long frant blong hem, an hemi krae long Jisas olsem, “Plis masta, sapos yu wiling, yu save mekem mi fo gudbaek moa.” So Jisas hemi tasim man ya, an hemi sei, “Ya, mi wiling. !Yu gudbaek nao!” Semtaem nomoa, ravis sik blong skin ya hemi finis from man ya nao.

Bat nomata olsem, nius abaotem Jisas hemi go-goraon an kasem plande ples nao. So plande pipol tumas nao, olketa kam from olketa laek fo herem toktok blong hem an olketa laekem hem fo mekem olketa gudbaek moa from siknis blong olketa.