Popular Bible Verses from John 1

ಶೇರ್

Stillyet, some bleebe pon um. Ta all dem, e gim de right fa be chullun ob God.

Fo God mek de wol, de Wod been dey. De Wod been dey wid God, an de Wod been God.

De light da shine een de daak, an de daak ain neba been able fa pit out dat light.

De Wod come fa be a man, an e lib mongst we fa a wile. We see de glory God gim, cause e de onliest Son ob de Fada God. An e gii we all de blessin ob God an mek we know wa true bout God.

Shru dat Wod, God mek ebryting. Ain nottin een de whole wol wa God mek dat been done dout de Wod. De Wod, e de one wa all life come fom. An dis life yah de life wa da mek all people see de light.

De nex day John see Jedus da come ta um. An e say “Look yonda, de Lamb ob God da come fa tek way de sin ob people all oba de wol!

So den de Wod been dey een de wol, an shru um God mek all ting een de wol. Stillyet, de people een de wol ain been know who e been. E come ta e own place, bot e own people ain wahn hab nottin fa do wid um.

De light wa e taak bout, dat de true light wa come eenta de wol an da shine pon ebrybody.

Moses bring we de Law, bot Jedus Christ de one wa bring we God blessin an mek we know wa true.