Popular Bible Verses from Jon 12

ಶೇರ್

Ka ŋat mo tiyo pira, myero oluba; ka ma an abedo iye, laticca bene bibedo kunnu; ka ŋat mo tiyo pira, ci Won binyuto worone i kome.

Ŋat ma maro kwo mere, birwenyone; ŋat ma kwero kwone i lobo man, bigwoko nio i kom kwo ma pe tum.

Adada awacciwu ni, nyig bel ka pe opoto i ŋom, oto, bedo kene; ento ka oto, ci ceko nyige mapol.

An abino i lobo pi bedo ceŋ me lobo, wek dano ducu ma ye an owek bedo i piny macol.

Ka dano mo winyo lokka ci pe mako, an pe aŋolo kop i kome; pien pe abino ka ŋolo kop i kom lobo, ento abino ka laro lobo.

Maliam okwanyo moo ma ŋwece kur me wel madwoŋ, moo nard magili, ma romo ratili acel, owiro ki tyen Yecu, ojwayo tyen Yecu ki yer wiye; ci ŋwec moo oromo i ot ducu.

Gukwanyo jaŋ otit, gukato ka jole, kun gidaŋŋe ni, “Ojana! Lubaŋa o mi gum i kom ŋat ma bino i nyiŋ Rwot, ma en Kabaka pa Icrael!”

Yecu odokkigi iye ni, “Cawa doŋ oromo me keto deyo i kom Wod pa dano.