Popular Bible Verses from Lucas 23

ಶೇರ್

Patanantopirinahuëꞌ, Yosë nontërin. —Tëparinacoso marëꞌ Tata, ama anaꞌintëquësohuëꞌ. Co nohuitatonacohuëꞌ, napotarinaco, itërin.] Ina quëran sontaroꞌsa capini ninontopi. “Huëcoꞌ nicanatëhuaꞌ Quisoso aꞌmorinsoꞌ maahuaꞌ,” nitatonaꞌ, yaꞌnipirapi. Naporahuatonaꞌ, aꞌnaya aꞌnaya mapi.

—Tëhuënchachin iyasha ipora tahuëri chachin carëꞌquën Yosëꞌpaꞌ yaꞌhuëcontaran, itërin.

Ina quëran Quisoso itapon: —Huaꞌanëntacasoꞌ caniaritohuatan, yonquico Sinioro cantaꞌ, itërin.

Napohuachina, Quisoso chiníquën nonin. —Apira Tata chiminarahuë. Huaꞌyanëhuë quëpaquëꞌ, itahuaton, chiminin.

Paꞌsahuatonaꞌ, aꞌna panëaꞌhuayaquë canconpi, “Nansë Motoꞌ,” itopiquë. Inaquë canconahuatonaꞌ, corosëquë patanantopi. Catoꞌ apiroꞌsantaꞌ nisha patanantopi. Aꞌna ahuënan quëran, aꞌna inchinan quëran. Quisososoꞌ ahuancanapipi. [

Camotëchin nisahuasoꞌ, yaꞌipi parti tashiarin. Iꞌhuaraya huarëꞌ yono tashi pochin ninin. Co huachi piꞌi aꞌpininhuëꞌ. Naporoꞌ Yosë chinotopiso pëiꞌ tanontën nëꞌmëtëquë patonpisoꞌ inaora noshatërin.

Capitansoꞌ ina niꞌsahuaton, Yosë chinotërin: —Tëhuënchachin iso quëmapi co mantaꞌ onporinhuëꞌ, tënin.