Popular Bible Verses from LUKE 8

ಶೇರ್

Ia ko koya e na vanua vinaka, sa vakai ira era sa yalodina ka vinaka, a ra sa rogoca na vosa, ka taura deivaka, ka vakavuana tikoga.

Ia ko koya sa lutu ki na veiwa-vakavotona, sai ira era sa rogoca, a ra sa lako yani, a ra sa vakaruguti e na lomaocaoca kei nai yau kei na marau ni bula, oqo a sa sega kina ni vua dina.

Ia ko ira era vaka na vatu, sai ira sa rogoca, ka vakabauta na vosa e na reki; ia sa sega na wakadra, a ra sa vakadinata vakadede vakalailai ga, ia ni sa yaco na gauna ni dauveretaki era sa bale tale.

A sa kaya vei ira ko koya, Evei na nomudou vakabauta? A ra sa rere ka kurabui, ka veikayaka vakai ira, Ko cei beka oqo; sa vakarota na cagi kei na wai, a rau sa talairawarawa vua?

Ia ko ira era vaka na tutu ni sala, ko ira era sa rogoca; sa qai lako mai na tevoro, a sa kauta tani na vosa mai na yalodra, de ra vakadinata ka bula kina.

Ni sa sega e dua na ka sa vuni, me sega ni vakarairaitaki; se tabogo, me sega ni kilai se vakavotui mai.

Ia ni sa kila na yalewa sa sega ni vuni, sa lako mai ka sautaninini, ka cuva sobu vua, ka tukuna e matadra kecega na lewe vuqa na ka sa tarai koya kina, kei na nona bula vakasauri kina. A sa kaya vua ko koya, Na luvequ-yalewa, mo vakacegu; sa vakabulai iko na nomu vakabauta; mo lako e na vakacegu.

A ra sa lako mai ka vakayadrati koya, ka kaya, Kemuni na Turaga, Kemuni na Turaga, eda sa mate. Sa qai tu cake ko koya, ka vunauca na cagi kei na wai cudrucudru; ka rau sa cegu kina, a sa qai maravu sara.