Popular Bible Verses from JONI 21

ಶೇರ್

Ni ra sa katalau oti, sa kaya vei Saimoni Pita ko Jisu, Saimoni, na luve i Jona, ko sa lomani au vakalevu, ka vakalailai ko iratou oqo, se segai? Sa kaya vua ko koya, Io, na Turaga; ko ni sa kila niu sa lomani kemuni. Sa kaya vua ko koya, Vakani ira na noqu lami. Sa kaya tale vakarua vei koya, Saimoni, na luve i Jona, ko sa lomani au, se segai? Sa kaya vua ko koya, Io, na Turaga; ko ni sa kila niu sa lomani kemuni. Sa kaya vua ko koya, Vakatawana na noqu sipi. A sa kaya vakatolu vua, Saimoni, na luve i Jona, ko sa lomani au, se segai? Sa rarawa na loma i Pita ni sa kaya vakatolu vua ko koya, O sa lomani au, se segai? A sa kaya vua, Kemuni na Turaga, ko ni sa kila na ka kecega; ko ni sa kila niu sa lomani kemuni. Sa kaya vua ko Jisu, Vakani ira na noqu sipi.

E dina, e dina, au sa kaya vei iko, Ni ko a gone, ko a dauvauci iko, ka lako veitalia voli ga: ia ni ko na qase mai, ko na dodoka na ligamu, ka na vauci iko e dua tani, ka kauti iko ki na tikina ko na sega ni vinakata.

A sa kaya vei ira ko koya, Dou viritaka na lawa ki nai matau ni waqa, ka dou na kunea kina. Era sa qai viritaka, a ra sa sega ni yavia rawa, ni sa ka levu sara na ika.

Sa kaya vei iratou ko Saimoni Pita, Au sa laki qoli. Eratou sa kaya vua, Edatou na lako talega kei iko. Eratou sa lako yani, ka vodoka sara na waqa; a sa sega ni rawa e dua e na bogi ko ya.