Popular Bible Verses from Mbandukulu 3

ಶೇರ್

Kento talaka ti bambuma ya yinti yina vwandaka mbote na kudya, kitoko na kutala, mpe mbote na kupesa mayela ya kuswasikisa. Na yina, yandi bakaka mbuma mosi mpe yandi kudyaka yawu. Na manima ya kudya yawu, yandi pesaka yawu mpe na bakala ya yandi yina vwandaka na yandi kuna. Bakala ya yandi mpe kudyaka yawu.

Na kati ya bibulu nyonso ya mfinda yina Yave Nzambi yidikaka, ni nyoka lutilaka mayela ya kuvuna. Na yina, yandi yufulaka kento: «Ya kele ya tsyelika ti Nzambi zabisaka beno ti: “Beno fwana kudya ve bambuma nyonso ya bayinti ya bilanga”?»

Mu ke tula kitantu na kati ya nge na kento, na kati ya bana ya nge na bana ya yandi. Bawu ke kosona nge yintu, nge, nge ke tatika bawu na kinkoso.»

Yandi tubaka na kento: «Nge ke banda na kutalaka mpasi mingi, ntangu nge ke vwanda na kivumu. Ni na mpasi nge ke banda na kubutilaka. Zaba ti, nge ke banda na kuvwandaka kaka na nsatu ya bakala ya nge, kasi bakala ya nge ke banda na kuyalaka nge.»

Nge ke banda na kuzwaka madya na mutoki ya kizizi ya nge, tii kilumbu yina nge ke vutuka na ntoto, sika ba bakaka nge. Ya tsyelika nge kele fundu-fundu, ni na fundu-fundu nge ke vutuka.»

Yandi tubaka na Adami: «Nge me kuwa mambu ya kento ya nge, nge me kudya mbuma yina mu yiminaka nge. Na yina, mu ke siinga ntoto samu na nge. Ni na mpasi nge ke banda na kuzwaka madya, bilumbu nyonso ya luzingu ya nge.

Yave Nzambi yufulaka dyaka yandi: «Nani me zabisa nge ti nge kele nzutu mpamba? Nge me kudya mbuma ya yinti yina mu yiminaka nge na kudya?»

Na manima ya kubingisa muntu, Yave Nzambi tulaka bakeluba ya kusimba bambele ya mvita ya tiya, na lweka ya esete ya bilanga ya Edeni, samu na kukengidila nzila yina ke kwendaka na yinti ya luzingu.

Bakala pesaka kento ya yandi nkumbu Eva, samu ti ni yandi kele mama ya bantu nyonso yina kele moyo.