Popular Bible Verses from Lucas 19

ಶೇರ್

Tâjiunwym wâne tymery xuzatyby xuize tâtâze myara xuzatyby modo kâwinly, Deusdâ iwagueno modo, inakanhe awylymo kâyngakehoem, kâenmakehomoem warâ — kely Jesus.

Aituo myani adaenkelymo: — Koendonrolâ awâkâ Kywymâry Jesus, Deus ingonotyby! Awâkâ wâgâ kurâ domodo koendâ itybyem Deus agâ. Koendonro awâkâ Deus kaynâ tâtyreim! — kelymo.

Aituo myani Jesus aguely: — Xirâ âtâ sodo inakanhe aitobyry xygakeagui. Inakanhe aityby lelâlâ wâne, judeulâ olâ merâ Abraão iwerypyrylâ.

Se iaxi taintuo myani Jesus kayam MYK idyly. Se iwatary wâgâ ekadybyem nhedyly. Tientuo aguely: — Zaqueu, iokobagâ âytâguygâ. Itydâ ise aze iwerâ — kely Jesus. Ilâ tindatuo myani Zaqueu inepa kehoem se sicômoro wâgâpa xytâguyly. Toenzepa myani iomaru. Aituo Jesus tâtyram nhadyly.

Zaqueu tâpague myani Jesus enado, aguely: — Idakâ, Pymâ. Tâlâ wato epajiwâze urâ âdy pebaom modo agâ. Impostu epywadobyry kâenmakely ume, epywado imâem kehoem kâenkadyby watay, dinheru xuduonse urâ eyanmo. Tokalâ moeda kâenmagazedyby watay, quatro moeda ise eyanmo kâunduly. Azagâ moeda kâenmagazedyby watay, oito moeda ise eyanmo kâunduly. Warâ ise awidyly — kely Zaqueu.

Tâlâ lâpylâ myani kurâ domodo duay fariseu domodo ewy. Akaemo aguely tindatuo, Jesusram aguely: — Idakâ ampygueni modo saenlu, Konomedâni. “MYK alelâ itaungâ” kekâ eyanmo — kelymo Jesusram. Aituo Jesus aguely: — MYK idylymo-ro watay, Deus tuhu itainhehonze, yrentomoem, iehoguedomoem warâ. Xirâ mâuntudyzemo kuru wato — kely Jesus.