Popular Bible Verses from मत्‍ती 6

ಶೇರ್

इसताँई पैले तुम परमेसर के राज और धारमिकता की खोज करौ तौ जे सबई चीज तुमकै मिल जांगी।

कल की चिन्‍ता मत करौ। कल अपनी चिन्‍ता खुद कर लेगो, आज की मुसीबत आज के ताँई भौत है।

“इसताँई मैं तुमसै कैरओ हौं, चिन्‍ता मत करौ, ना अपनी जिन्‍दगी की, कै हम का खांगे, और ना अपने सरीर की, कै हम का पैहरंगे, का जिन्‍दगी खाने सै बढ़कै ना है? और का सरीर लत्‍ता सै बढ़कै ना है?

पर जब तुम पिराथना करौ तौ, अपने कमरा मै जाकै किबाड़ बन्‍द कर लो और एकान्‍त मै अपने अब्बा सै पिराथना करौ। तुमरो अब्बा जो एकान्‍त मै बी देखै है तुमकै ईनाम देगो।

तौ तुम इस तरै सै पिराथना करे करौ, “हे सुरग मै रैहनै बारे हमरे अब्बा, तेरो नाम पबित्‍तर मानो जाय। तेरो राज आय, तेरी मरजी जैसे सुरग मै पूरी होवै है, बैसेई धरती मै बी हो।

हमरे दिनभर की रोटी आज हमकै दे।

और जिस तरै हमनै अपने अपरादी माफ करे हैं, बैसेई तू बी हमरे अपरादौं कै माफ कर।

और हमकै पाप मै ना पड़न दे, पर बुराई सै बचा, (कैसेकै राज और पराकरम और महिमा हमेसा तेरेई हैं। ऐंसोई होए)।

“अगर तुम अपने खिलाप अपराद कन्‍नै बारौ के अपराद माफ करौगे, तौ तुमरो सुरग को अब्बा बी तुमकै माफ करैगो।

आसमान के पंछिऔ कै देखौ, बे ना तौ बोबै हैं ना काटै हैं और ना खलियानौ मै बटोरै हैं, तौबी तुमरो सुरग को अब्बा उनकै खबावै है। का तुम उनसै बढ़कै ना हौ?

“धरती मै अपने ताँई धन-दौलत जमा ना करौ, जहाँ कीड़ा और काई बिगाड़ै हैं, और जहाँ चोर कूमल लगाबैं और चुरामै हैं। सुरग मै अपने ताँई धन इखट्‍टो करौ, जहाँ ना तौ कीड़ा, और ना काई बिगाड़ै हैं और जहाँ चोर ना कूमल लगाबैं और ना चुरामै हैं। कैसेकै जहाँ तुमरो धन है बहीं तुमरो मन बी लगो रैहगो।

“कोई बी एक संग दो मालिकौं की सेवा ना कर सकै है, बौ या तौ एक सै बैर और दूसरे सै पियार करैगो, या एक को आदर और दूसरे की बेजती करैगो, तुम परमेसर और धन दौनौ की सेवा एक संग ना कर सकौ हौ।

इसताँई अगर परमेसर बन की घाँस कै जो आज है और कल भट्‍टी मै झौंक दई जागी, इस तरै सजाबै है, तौ हे अल्प बिसवासिऔ, बौ तुमरे ताँई इस्सै जादा काए ना करैगो?

पर जब तू दान करै तौ, जो तेरो खानो हात करै है, उसकै तेरो बाँऐ हात बी ना जान्‍नै पाय। तुमरो दान गुप्‍त रैह, और जब तुमरो अब्बा जो गुप्‍त कामौ कै बी देखै है, तुमकै ईनाम देगो।

“चौकस रैहऔ! तुम लोगौ कै दिखानै के ताँई अपने धरम के काम ना करौ, ना तौ अपने सुरग के अब्बा सै कुछ बी ईनाम ना पाऔगे।

“जब तुम बरत रक्‍खौ तौ, ढौंगिऔ के हाँई तुमरे मौह लटके भए ना दिखाई दैं, बे अपनो मौह इसताँई सुस्त रक्‍खै हैं कै बे लोगौ कै दिखाऐ कै बे बरत रख रए हैं, मैं तुमसै सच कैरओ हौं, कै बे अपनो ईनाम पा चुके हैं। पर जब तुम बरत रक्‍खौ हौ, तौ अपनी खोपड़ी मै तेल लगाऔ और अपनो मौह धो लो। जिस्सै लोग ना पर तेरो अब्बा जो गुप्‍त मै है, तेकै बरत रखनै बारो जानै, इस हालत मै तेरो अब्बा जो गुप्‍त मै देखै है, तेकै ईनाम देगो।