Popular Bible Verses from लूका 9

ಶೇರ್

तओ येशू सब जनैसे कही, “अगर तुम मिर सँग आन चाँहत हओ कहेसे, तुमके अपनए-अपनएके अस्वीकार करन पणैगो। तुमके मिर ताहीं रोजदिन दुख सहन पणैगो। हियाँ तक, कि मरनके ताहीं तयार फिर रहान पणैगो। तओ तुम मिर चेला बननके ताहीं मिर सँग आए पाबैगे।

काहेकी जौन अपन जेहान बचाबैगो, बो मोके गुमाए देहए, और अपन जेहान मिर ताहीं गुमान बारो अपनएके बचाएलेहए

तओ येशू बोसे कहीं, “जो कोहि मिर चेला बननके सुरु करैगो और अपनो पुरानो जीबन शैलीमे घुमके जाबैगो, बो परमेश्वरको राज्यमे सेवा करनको लायक नाए हुइहए। बो अइसो आदमी जैसो होबैगो, जौन खेत जोतनके सुरु करत हए, पर पिच्छु घुमके देखत हए।”

काहेकी अगर कोइ मनै संसारके सब चीज पाएके धनी बन्जएहए। पर बो परमेश्वरके सँग सदाकालको जीबनको मौका गुमाए देहए कहेसे बोके का फाइदा हुइहए? कुछु फिर नाए

पर कोइ मोसे और मिर बचनसे शर्माबैगो कहेसे, मए, आदमीको लौंणा फिर अपनो महिमामे, और पिताको और परमेश्वरको पबित्र स्वर्गदूतको महिमामे आत बोकेसँग शर्मामंगो।

तओ येशू बोसे कही, “सेरनको रहान बारो भार, और बादरके चिरैंचिरगुनीके ताहीं घुरघुस्ला रहात हए। पर मए आदमीको लौंणाको त एकौ घर नाए हए, जहाँ मए सोए पामओं।”

और बिनसे कही, “जौन मिर नाउँमे जा बालकाके ग्रहण करैगो, बो मोके ग्रहण करैगो, जौन मोके ग्रहण करैगो, बो मोके पठान बारोके ग्रहण करैगो। काहेकी तुमर मैसे जौन सबसे छोटो हए, बहे बडो हुइहए।”