Popular Bible Verses from यूहन्ना 6

ಶೇರ್

येशू बिनसे कही, “मए बो रोटी हओं जो कभी फिर अन्त नाए होन बारो जीबन देत हए, मेरे जौँणे आन बारे भुँखे नाए रएहएं, और मिर उपर बिश्वास करन बारे कभु प्यासे नाए हुइहएं।

जीबन देन बारो परमेश्वरको आत्मा हए, शरीरए कुछु फाइदा नाए होत हए। जौन बचन मए तुमरे सँग मस्कनडटो हओं बो आत्मा और जीबन हए।

नष्ट होन बारो रोटीके ताहीं काम मत् करओ, बल्कि कभी फिर नाश नाए होन बारो जीबन तक रहान बारो रोटीके ताहीं काम करओ, जो मए, आदमीको लौंणा तुमके देमंगो, काहेकी दौवा परमेश्वर मोके अइसो करनके ताहीं अधिकार दइ हए।”

काहेकी मिर दौवाको इच्छा जहेहए, कि लौंणाके देखन बारे और बाके उपर बिश्वास करन बारे, सब कभी फिर नाश नाए होन बारो जीबन पामएं, और दुनियाको अन्तके दिनमे मए बिनके मरे भए मैसे जिन्दा करंगो।”

येशू बिनसे कही, “परमेश्वरको काम जा हए, कि तुम मोएमे बिश्वास करओ जौनके बा पठाइ हए।”

जौन-जौनके दौवा मोके दइहए, बे मिर ठिन आमंगे। और जौन-जौन मिर ठिन आमंगे मए उनके कभु नाए छोडंगो

सिमोन पत्रुस जबाफ दइके कही, “हे प्रभु, हम काके ठिन जाएं? तुमरसँग कभी फिर नाश नाए होन बारो जीबनको बचन हए।

स्वर्गसे आओ भओ जिन्दा रोटी महीँ हओं। कोइ फिर जा रोटी खएहए कहेसे बो सदिमानके ताहीं जिइहए। और जौन रोटी मए संसारके आदमीनके जीबनके ताहीं देहओं, बो मिर शरीर हए।”

मोके पठान बारो दौवा मिर ठिन आनके मन नाए देहए कहेसे कोइ फिर मिर ठिन नाए आएपाबैगो, मिर ठिन आन बारेके मए संसारको अन्तके दिनमे जिन्दा करेहओं।

काहेकी परमेश्वरको रोटी बहे हए, जो स्वर्गसे उतरके आत हए, और संसारके जीबन देतहए।”

मए बो जीबनको रोटी हओं, जो कभी फिर अन्त नाए होन बारो जीबन देतहए।

तओ येशू रोटी लइ, और परमेश्वरके धन्यबाद चढाएके डुबर्रामे बैठन बारेनके बाँट दइ। और बे सब अघान तक खाइं। और जब बे पेट भरके खाइं, तओ येशू अपन चेलनसे कही, “उब्रो भओ खुद्रा-खुद्री बटोरओ और एकौफिर खराब नाए होबए।”

जब बे नैयाँ चलाएके लगभग पाँच-छय किलोमिटर चलेगए, तओ बे येशूके समुन्दरमे पानीके उपर नेँगत, और नैयाँके ठिन आत देखीं, तओ बे डराइगए। तओ येशू उनसे कही, “मए हओं, मत् डराओ।”