Popular Bible Verses from यूहन्ना 3

ಶೇರ್

काहेकी परमेश्वर संसारके आदमीनसे अइसो प्रेम करी, कि बा अपन ठिन रहो एकलौटो लौंणा दइदइ, ताकी बाके उपर बिश्वास करन बारे कोइ फिर नाश नाए होबए, पर कभी फिर नाश नाए होन बारो जीबन पाबए।

काहेकी परमेश्वर अपन लौंणाके संसारमे जाकेमारे पठाइ, कि संसारके आदमीनके उपर दण्डको आज्ञा देनके नाए, बल्कि संसारके आदमीनके उद्धार दइपाबए।

येशू निकोदेमसके जबाफ दइके कही, “नेहात्तओ मए तोसे कहात हओं, अगर कोइ नयाँ करके नाए जन्मैगो कहेसे बो परमेश्वरको राज्यको कोइ हकदार नाएहोबैगो।”

जौन परमेश्वरको लौंणाके उपर बिश्वास करैगो, बिनके उपर दण्डको आज्ञा नाए होत हए, पर जौन बाके उपर बिश्वास नाए करत हएं, बे अग्गुवएसे दोषी ठहिरे हएं; काहेकी बे परमेश्वरको एकलौटो लौंणाके नाउँमे बिश्वास नाए करी हएं।

और दण्डको आज्ञाको कारण जा हए, कि उजियारो संसारमे आइगओ रहए, तहुँफिर आदमी उजियारोसे जद्धा अन्धकारके अच्छो मानीं। काहेकी बिनके काम खराब रहए।

जरुरी हए, कि बाको महत्त्व जद्धा हुइजाए और मिर महत्त्व काम हुइजाए।”

काहेकी जौनकोइ खराब काम करत हए, बे उजियारोके अच्छो नाए मानत हएं, और बिनको काम कहुँ दिखाइ नाए पणजाबए कहिके बे डरके मारे उजियारोके ढिँगै नाए आत हएं।

जौन परमेश्वरको लौंणाके उपर बिश्वास करत हए, बोके कभी फिर नाश नाए होन बारो जीबन मिलिगओ हए, पर जौन लौंणाके बिश्वास नाए करत हए, बो कभी फिर अन्त नाए होन बारो जीबन नाए पएहए, बल्कि परमेश्वरको दण्ड बोके उपर रहो रहाबैगो।”

और जैसी मोशा जंगली इलाकामे पितरको साँपके क्रूसमे टँगाइ रहए, उइसी जा जरुरी हए, कि मए, आदमीको लौंणा फिर टँगोजाओं।

परमेश्वर लौंणाके प्रेम करत हए, और सब चीज लौंणाके हातमे दइदइ हए।