Popular Bible Verses from UBWANDILO 15

ಹಂಚಿಕೊಳ್ಳಿ

Umwene Abramu alinkumwitika Untwa. Bunobuno Untwa alinkumpelela Abramu ukuyobigwa ubugolofu.

Bo sikindile sisisi po ilisyu lya Kyala lilinkumwisila Abramu nkisetuka lilinkuti, “Gwe Abramu, Ungatilaga, yo Une ngulu yako, ifi nikukupaga ugwe fikuyaga Iyingi itolo.”

Untwa alinkusoka panja na Abramu alinkumbula alinkuti, “Keta kumwanya, ubale indondwa, linga ubagile ukusibala.” Popapo alinkumbula alinkuti, “Mo mumo bisakuyilaga ubwingi aba nduyungu lwako.”

Popapo lelo ilisyu lya Ntwa lilinkumwisila Abramu lilinkuti, “Umundu uyu yo atisakuyaga gwa pakilingo kyako, loli yu mwanako yuyo.”

Umwene Untwa alinkuyoba nagwe alinkuti, “Usyaganiege fiyo isya kuti abanduyungu lwako bisakuyaga baponi nkisu iki kikaya kyabo, kangi bisakuyaga batumwa mumo, bisakwangaliligwaga mumo ifyinja aba mia bana (400)

Popapo Abramu alinkuyoba alinkuti, “Gwe Ntwa Kyala, ngimba kumbaga ifiki une, buno ifyinja fikukinda itolo ne nsita kuya nu mwana nayumo, umwene ugwa pakilingo kyangu yo yu mbombi gwangu Eliyazari ugwa nkisu kya Damaska?”

Mwisiku lilyo Untwa alinkufinga ulufingo na Abramu alinkuti, “Ikisu iki kyo mbapele abanduyungu lwako, ukufuma Ndusoko lwa nkisu kya Egiputi ukwakufika ndusoko ulukulumba ulwa Yufrate

Abene bisakugomokelaga kunokuno mu ngulilo iya buna; namanga ubutulanongwa bwa kikolo kya abAmori bukali bukafikapo.”