Popular Bible Verses from मत्ती 6

ಶೇರ್

इलै पैलि तुम परमेस्वर का राज की खोज कैरा, अर धरमी जीवन जीणु खुणि पूरि कोसिस कैरा, त यू सब चीज तुमतै मिली जालि।

इलै भोळ की चिन्ता भोळ खुणि ही छोड़ि द्‍या, किलैकि भोळ को दिन अपणी चिन्ता अफि कैरी ल्यालु, आज की जरुरतों खुणि तुमरि चिन्ता करण काफी च।”

इलै मि तुम बटि बोन्‍नु छौं, कि अपणा पराण खुणि चिन्ता नि कर्यां कि क्या खौला अर क्या प्यूला, अर ना ही अपणा सरील खुणि की क्या जि पैरुला, किलैकि पराण की कीमत खाणुक से जादा च, अर ठिक उन्‍नि सरील की कीमत कपड़ों से जादा च।

पर जब तू प्रार्थना करली, त अपणी कुठड़ी मा जैके द्‍वार बन्द कैर अर अपणा पिता परमेस्वर बटि प्रार्थना कैर, जु की दिखेन्दु नि च। तब स्वर्ग मा रौण वळु तेरु पिता जु कि तेरी छिपी बातों तैं भि जणदु च, उ यां को इनाम त्वेतै जरुर दयालु।

“इलै तुम प्रार्थना इनकै कर्यां कि, “हे हमरा पिता, तुम जु स्वर्ग मा छाँ, तुमरो नौ पवित्र मणै जौ। तुमरो राज अऽ। अर जन तुमरि मनसा स्वर्ग मा पूरि होन्दी ठिक उन्‍नि ईं धरती पर भि पूरि हो।

हमरा दिन-भर की रुट्‍टी हमतै रोज द्‍या।

अर जन हम ऊंतैं माफ करद्‍यां, जु की हमरा खिलाप बुरै करदिन, ठिक उन्‍नि तुम भि हमरा पापों तैं माफ कैरा।

अर शैतान की बातों का द्‍वारा हम भकलै नि जा, बल्किन मा हमतै बुरै से बचै के रखा। [किलैकि तुमरो राज अर तुमरि ताकत, अर तुमरो आदर-सम्मान सदनि तक होन्दी रौ। आमीन।]

“इलै अगर जु तुम लोगु का अपराधों तैं माफ करिल्या, त स्वर्ग मा रौण वळु तुमरो पिता भि तुमतै माफ करलु।

अर पंछियों तैं ध्यान से देखा, ऊ नऽ त बुतदा छिन, ना लवै करदिन, अर ना ही वु अपणा घोलो मा बटोळि के रखदिन, अर फिर भि स्वर्ग मा रौण वळु तुमरो पिता ऊंतैं खिलान्दु च, त उ तुमतै किलै नि खिलालु?

“अर मि तुमतै इन भि बतै देन्दु कि, अफु खुणि ईं धरती पर धन जमा नि कैरा, किलैकि इख कीड़ा वेतैं खै द्‍याला, या जंक बरबाद कैरी द्‍यालु, या त चोर आलु अर तोड़ि के सब लि जालु। पर अफु खुणि स्वर्ग मा धन जमा कैरा उख नऽ त वेतैं कीड़ु खालु, अर ना ही वेतैं जंक बरबाद करलु, उख त चोर भि नि ऐ सकदु अर ना ही तोड़ि के कुछ लि जै सकदु। अर या बात मि तुमतै इलै बतौणु छौं, किलैकि जख तेरु धन रालु उखि तेरु मन लग्यूं रालु।”

तब यीशु न भीड़ का लोगु कू इन भि बोलि, “कुई भि मनखि दुई मालिकों की सेवा नि कैरी सकदु, किलैकि अगर वु करलु त एक बटि प्यार करलु अर दुसरा बटि नफरत, य त उ एक का दगड़ा मा वफादार रालु अर दुसरो को तिरिस्कार करलु। ठिक उन्‍नि तुम लोग भि परमेस्वर अर धन दुईयों की सेवा नि कैरी सकद्‍यां।

ठिक उन्‍नि जब परमेस्वर तपड़ की घास तैं ज्वा आज च अर भोळ वींन आग मा फुकै जाण, इथगा अच्छे से सजान्दु, त हे कम बिस्वास रखण वळा लोगु, त उ तुमतै नि पैरालु?

पर जब तू दान-दकछिणा दिली, त तेरा दैंणा हाथ तैं पता नि चलु कि तेरु बैं हाथ क्या कनु च, अर इन कैरिके तेरु दियूं दान गुप्‍त रालु, अर स्वर्ग मा रौण वळु तेरु पिता परमेस्वर जु कि तेरा गुप्‍त का काम भि दिखदु, उ वांका बदला मा त्वेतै जरुर इनाम दयालु।

तब यीशु न लोगु कू बोलि कि, “चौकस रा, तुम लोगु तैं दिखौणु खुणि धरमी बणणो को काम नि कैरा, निथर तुमतै स्वर्ग मा रौण वळा अपणा पिता परमेस्वर बटि कुई इनाम नि मिलण।

अर यीशु न भीड़ का लोगु कू इन भि बोलि कि, “जब तुम उपवास रखिल्या, त ढोंगि लोगु की तरौं तुमरा मुख पर उदासी नि हो, किलैकि ऊ अपणु मुख इन्द्रयो इलै बणै के रखदिन, ताकि लोग समझि जा कि ऊंको उपवास रख्युं च। पर मि तुम बटि सच्‍चि बोन्‍नु छौ, कि लोगु बटि त ऊंतैं आदर-सम्मान मिली गै, मगर पिता परमेस्वर बटि ऊंतैं कुछ इनाम नि मिलण। मगर जब तू उपवास रखलि, त अपणा मुख तैं ध्वे अर मुण्ड़ पर तेल लगै, अर इन कैरिके तू पिता परमेस्वर की नजर मा उपवास रखण वळु ठैरीलि, ना कि मनखियों की नजर मा। किलैकि परमेस्वर जु कि दिखेन्दु त नि च, मगर छिप्यां कामों तैं भि देखि सकदु च, त्वेतै यां को इनाम जरुर द्‍यालु।”