Popular Bible Verses from Иоанн 6

ಶೇರ್

ГӀисаца абуна: – Дун вуго гьеб чӀаголъи кьолеб чед. Дихъе вачӀарав киданиги вакъизе гьечӀо, дида божарав киданиги къечезе гьечӀо.

РухӀалъ кьола чӀаголъи. Амма инсанасул мунагьаб напсалъ чӀаголъи кьоларо. Дир рагӀабазулъан бачӀуна нужехъе рухӀги чӀаголъиги.

ТӀагӀунеб-холеб квен тӀалаб гьабичӀого, нужеца тӀалаб гьабе абадияб гӀумруялде нуж рачине бокьун ГӀадамил Лъимаца нужее кьолеб бугеб тӀагӀунареб-холареб квен. Жиндирго Инсул – Аллагьасул баркаталъул мугьру буго ГӀадамил Лъимада.

Дир Инсуе бокьун буго Вас вихьаравщинав ва гьесда божаравщинав чиясе абадияб гӀумру насиблъизе. Къиямасеб къоялъ дица гьев чӀаголъизавизе вуго.

ГӀисаца жаваб кьуна: – Аллагь разилъизе нуж божизе ккола гьес нужехъе витӀарав чиясда.

Инсуца дихъе кьуравщинав чи дихъе вачӀина, дихъе вачӀарав цониги чи дица нахъе гъеларо.

Симон Пётрица абуна: – Я, БетӀерчӀахъад, лъихъе ниж инел? Дуцалъидал рицунел ругел абадияб гӀумру насиблъулел рагӀаби.

Дун вуго зобалаздасан рещтӀараб ва чӀаголъи кьолеб чед. Гьеб чед кварав чи абадул абадиялъ чӀаго вукӀина. Дица гьесие кьезе бугеб чед – гьеб буго гьаб гӀалам чӀаго букӀине гӀоло кьезе бугеб дир Черх.

– Цониги чи дида аскӀове вачӀине рес гьечӀо, дун витӀарав дир Инсуца гьев дихъе щвезавичӀони. Дица гьев къиямасеб къоялъ чӀаголъизавизе ккола.

Аллагьасдасан бачӀараб чед ккола зобалаздасан рещтӀараб ва гӀаламалъе чӀаголъи кьолеб чед.

Дун вуго чӀаголъи кьолеб чед.

ГӀисаца чед цебе босана, тӀаде дугӀаги гьабун, бек-бекун бикьана кваназе гӀодор чӀарал гӀадамазе. БокьарабгӀан чедги ччугӀаги щвечӀев чи хутӀичӀо гьенив цониги. Киналго гӀорцӀараб мехалъ, ГӀисаца муридазда абуна, гӀадада хвезе течӀого, кванан хутӀарал чадил кескал ракӀарейилан.

Гьедин рагӀалдаса щуго-анлъго километралъ жанирегӀан щвараб мехалъ, лъеда тӀасан вилълъун вачӀун росода аскӀове щолев вихьана гьезда ГӀиса. ГӀасиго хӀинкъана гьел. – ХӀинкъуге, дун вуго, – ян абуна ГӀисаца гьезда.