Popular Bible Verses from Mateghusi 5

ಶೇರ್

Karo munu kadi wa kumuneka munyenge no kughufurumeka thinu, ghuhunga ne peghuru ndani no ghu munekere wahe awa ha di mundhugho. Mu muneke munyenge wenu kemo kwawanu, eshi ha kone kumona yirughana yenu yoyiwa no ha fumaneke Wihenu ghomudiwiru.

“Yamwe mwamunyenge ghokaye. Mbara kadi dha kukona kundeka, ngeshi ku dha tenama padirundu.

Hakaruvigha awa ha kushuka mumutjima, yoyi mbo hana mono Nyambi.

Hakaruvigha hakakufa ndhara nodinota mughuhunga wawo, yoyi mbana wekutitha.

Ame ne na kumutongwera eshi: Mu hake han̂ore dhenu, no mu raperere hakakumukutha‐kutha.

“Hakaruvigha awa ha kudimuka eshi hahepwe kughutho waNyambi, yoyishi wawo ghufumu ghodiwiru.

Hakaruvigha hakakutenda thiraro, yoyi mbo hana wa toyo hana Nyambi.

Hakaruvigha hakakutokota, yoyi mbana wa hengaghura.

Hakaruvigha awa ha mona rupetho payitenda yawo yoyihunga, yoyishi wawo ghufumu ghodirwiru.

Hakaruvigha hakathin̂eke, yoyi mbo hana wa neghedha thin̂eke.

“Mwakaruvigha mwe ngeshi hana kumushamuna no kumukutha‐kutha no kumurundera yoyimango muDina dyange. Mu shamberere no mu shogherere, yoyishi ghushwi wenu ghomudiwiru ne ghukuru, no karo kemo dyo ha pethire haporofeta awa ha karire kughutho wenu.”

Hakaruvigha haturumuki, yoyi mbana wana ditunga edi ha wa turekera.

“Amwe ne mwamungwa ghomuve, ene ngeshi ghuna hamupa mungwa ne no nye sho gha ghu tove munu, ghu kare karo mungwa mwene? Ghumango vene keho. Hasha kughumwaghera panunda, ha ghu djata‐djate hanu.

“Mu kare mwahunga thika di gha hungama Wihenu ghomudiwiru.”

Ngo mu tawe vene eshi kemo ngambi kadi kemo. Yoyishi wingi wayo yi, mughuyi yina kushwagha.

“Mwa yuva edi ya ninga eshi: ‘Diho kudiho, diyegho kudiyegho.’ Ene na kumutongwera eshi: Mwa kon̂omeka munu ghomupata. Ngeshi ha kungcambura ghumweya kuditama dyorudyo, mu pirwere karo ditama dimweya.

“Ngeshi ha di kutemaghuritha diho dyoye dyorudyo, di korongoremo no ghu di tundithe papoye ghu di mwaghe. Yoyishi hasha papoye kutunda po thipo thofotji, kadi yira wa kumwaghera yirama yoyiheya mudirara. Endi ngeshi ha di kuharuritha dyoko dyoye dyorudyo, di tete ko no ghu di mwaghe. Yoyishi hasha kukoye ngeshi ha thi tundu po thipo thofotji kuyirama yoye, kadi yira wa kuyimwagherera mudirara.