Popular Bible Verses from Matteyo 18

ಶೇರ್

Nyo al ottubanie laati arrihai kuyya bu hunihoi ta afure hoŋ awon ni ihiji hosi.

Enyyak ni iramana itai ahode jo, al omojoi laati arrihai arabotye to obo ariŋ an awahi isi isyo adi Monyoŋ ette dou ariŋ nya jihosi.

Iloŋu inyi obo eito on odiha ette ititoŋonia inyi ihiji hosi ette jaran, Ahode eramak ni itai jo al ibyaŋata tai iloitoti irari ihwa aduri hun odihara’to, ibyaŋata adi itai ifwotuna olobye ono Hollum.

Tania lya al itamuta’to ahwan honyi ihwa eito ana ara adi inyi eleittok ilobye Hollum.

Lya al ifwotu’to eito ihwa ana ta afure hoŋ, ifwotu inyi ani luŋa.

Eramak ni itai ahode, erre daŋ hun ifitana tai ta afau, ifitanie adi bwo fe isi idou. Erre daŋ hun ihohina tai ta afau, ohohinie adi bwo fe idou.

Ihanio adi Monyoŋ ihwo nya jihatai ababo al ibyaŋata tai ibusana illarak hatai ta atajya hatai ahode.

Ati lya al itipalyo’to eito an iruk’to jihoŋ, osiru ifitani amorwo on obolo imurut honyi ette bironia inyi ihari.

?Igigiloti tai anyo? Kuyya owon atulo iko akyoro esiha abotye ati olito abotye, ?obeŋ adi inyi idyaharo atomwana hottoŋwan hohottoŋwan idoŋe ette leten ’tittifyaru aker ol olito’to?