Popular Bible Verses from Yohanese 8

ಶೇರ್

De ahao o Yesusu wahingahuoli onangika abe naga genangoka wato, “Ngohi naa o dunia ma dararono abe o nyawa tahitararono manga wowango. Ho onagona dika ihiniiki Ngohi naa, ona ko yogila-gilakaua o fufutuika masara yamake manga wowango ma ngekomo abe duru de ma dararonoka.”

De ahao niamake mata-mata abe inihimatoko Ma Jou ai hininga nginika la hiadono duru niwihioriki. De o tobahioriki gea hohiromanga ma gou-goungu. Ho ka de ma gou-goungu gea ngini nihioriki de ena gea inihihupuoka o huhuloko ma papakitino.” Hokogea o Yesusu wahitararono iwingaku-ngakuika gea.

Ho o Yahudi ma nyawa abe iwingaku-ngakuika gea o Yesusu wahingahuoli onangika wato, “Nako ahi dodotoko ka ihikaika ngini nimadoihene la nia wowango niao itiai, gea nimahitaana nidadioka nihinii-niiki igou-goungu.

Ho nako Ma Jou o Ngofaka winihihupu nia howono ma papakitino gea nia kangelaino inihihupuokau.”

Ma, ona ka ihikaika iwileha-leha ho womatogumu wotulihi de womaokoiye de watemo onangika wato, “Onagona dika naga nginioka abe ko iwa nia howono, ngini gea ka idadi naa nimulaenge nimihakaru.”

De o Yesusu wapaluhu onangika wato, “Naa duru tagou-goungu tinihingahu nginika, onagona dika yahowono gea yodadioka o howono ma huhuloko abe yahidapakitoka manga howonika ho ko idadiokaua yomaputuhu angamoi manga howono dika yahipareta.

De ahao o Yesusu womarikotiyeoli de womileha munangika wato, “Kangano nenangoka o nau-nauru ona o kiaikaka? Ko moiokaua naga abe ato kiani inihohonenge?” De muna mopaluhu Unangika mato, “Ahi Baluhu, ko moiokaua angamoi yolioka mata-mata.” De o Yesusu wato, “Nako gea Ngohioo naa ko tonihohowonua. Ho ngona naa ka idadi nolio dika de ani howono itorou gea ibootohi nodiai, kiani gea nanoaka.” Hokogea o Yesusu wohimatoko ai hiokoo ma dora munangika.