Popular Bible Verses from Yohanese 6

ಶೇರ್

De o Yesusu wopaluhu onangika wato, “Ngohi naa tomahiromanga o Wowango ma Titi ma Roti, angamoi imaketero hoka o nyawa o roti yaolomo la yowango, duru hokogenangoo onagona dika yoboa Ngohino de ihingaku, ona gea yamake o wowango ma ngango. Ho ka de gea yamake de ko yahafinokaua, de manga ngomaha ko yodudungokaua.

Gea o Womaha Ma Jouino abe wahiwango o nyawa. Ko iwa manga utumu ahi roehino masara ahi hiketero ma demo kangano, gea Ma Jou o Womahino. Gea ma titi ho hiadono ahi demo hokogea, de ahi demo gea ka idadi ngini inihiwango ka hiado-adonika.

Ufa o roti abe ka iwedere dika nialingiri, ma kiani nialingiri o roti abe ko iwederua la gea inihiwango ka hiado-adonika. De o wowango gea ahao Ngohi o Nyawa ma Ngofaka ka idadi tinihidoaka, angamoi Ma Jou ahi Baba wohihitunguuoka Ngohino de ai kuaha abe duru wohisanangi Ngohino.”

Angamoi ahi Baba ai mau la ona mata-mata abe yomalega Ngohino, ma titi ihingaku Ngohino, gea ona yamake o wowango ka hiado-adonika de tahimomiki o wange ma bobahaka gea.” Hokogea o Yesusu wahiree-reeika wahingahu.

De o Yesusu wopaluhu onangika wato, “Naa moi duru Ma Jou ai mau ngini nidiai, de gea Ngohi dika nihingaku abe gea Ma Jou wohihidingoto nginiuku naa.”

Masara o nyawa mata-mata abe o Baba wohihidoaka Ngohino, de onagona dika abe yoboa Ngohino, ona gea duru ko moiua de ka idadi taoluku.

De o Simono Peturusu wipaluhu o Yesusika wato, “Mia Baluhu, done onagonaika miloiki? Angamoi, o demo abe inahihira o wowango ka hiado-adonika, o demo gea naga Ngonaka dika igogere.

Ngohi naa o roti ma ngango abe o Horogauku iutiuku ho o nyawa gea abe o roti naa yaolomo, gea ahao manga wowango ko iwa ma baha. O roti gea to Ngohi ahi roehe de ena gea ahao tahidoaka o dunia ma nyawaika la o wowango ma ngango yamake.”

O Baba wohihidingoto Ngohi naa. Ho o nyawa ko moiua yoboa Ngohino nako ko o Babaua waoino Ngohino. De ona abe yoboa Ngohino ahao tahimomiki o wange ma bahaika gea.

De o roti Ma Jouino gea abe winihidoaka naa, gea Ngohi abe touti o Horogaka de tauku la o nyawa o duniaka ka idadi tahidoaka o wowango ma ngango.” Hokogea wahitararono onangika.

Ngohi naa o Wowango ma Titi ma Roti.”

Ho naa ka de yokokigogerukuoka de o Yesusu waleino o roti motoa gea de wohitarimakaseokahi Ma Jouiye, de ahao wahidoaka iwinii-niikika ho onangoli yahidoaka homoi-homoiika o nyawa mata-mataika masara gea ko yamataua ma roti. De o nawokoli o Yesusu wahiaturu yahikokidoaka homoi-homoiika o nyawa mata-mataika hiadono yakokipunuhoka. Ho naa yakokipunuhoka de o Yesusu wahulokoli iwitobaniikika wato, “Kiani o roti ma bela-belaka ma hou gea niagorakiye la ufa hiadono o inomo gea parahaja.”

Yomahioru de manga buturungu ma gahumu! De ona manga gurutoko modukua o kilo motoa eko butaangaoko de naa o kia gea yamake? Duru yatodokana angamoi gea o Yesusu woboaino wotagi-tagi o ngooto ma lokuino. Ho wotigioka manga ngotirino de duru yatomomonoka. Masara o Yesusu wotemo onangika wato, “Ibootohi nihawana, naa Ngohi ho!”