Yohanese 12ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Ma onagona dika yairiki la Ngohi todadi manga Baluhu, gea kiani ka ihikaika ihiniiki Ngohi la ngaro o kiaka dika Ngohi naga ma onangoo naga genangoka. De ona gea abe ihihigihene Ngohino itiai, ahao manga karajaanga gea ahi Baba wabalaha de ai horomati onangika.”

De imaketero hokogea o nyawa abe nako to ona manga wowango dika duru yoigo yapaliara, gea manga wowango ko iwa ma utumu. Masara onagona dika abe manga wowango o duniaka naa yomahidoaka dika, ona gea yamake o wowango ka hiado-adonika.

Naa duru tagou-goungu tinihingahu tohiketero. Abe nako o pine ma mui moi ko haotakua o tonakuku, la ka iwedere, gea imagogogere o mui moi dika. Ma nako o pine ma mui gea haotaka la iwedere o tonakoka gea de ahao ihofoko la idadi naga iwoe.

Ngohi toboa o duniauku naa hoka o dararono abe o nyawa tahitararono la onagona dika ihingakuoka, ona gea ko yomanoakaua o fufutuoka.”

“De o nyawa abe ahi demo yoihene masara ko iwa manga hingounu enangika, ona gea Ngohi ko tahohowonua angamoi Ngohi toboaino ko mangaleua ma titi la tahohowono o dunia ma nyawa, masara toboaino la ka idadi ona tahihohe manga hohowonino.

De ahao o ngo Maria maino de mao o minya ma bounu duru ihailoa de ko asapuruahi ho duru kohahali. De o minya gea done o litere ma hononga ma amoko, ho ka de maoino de o Yesusu ai louuku mihituagi de o minya gea, de gea ena mohiehe ai louuku de ami tadauru. Ho o tau ma goronaka gea idadioka ma bounu duru irahai angamoi o minya ma bounu duru ihailoa gea.

De ona ato yoiki iwibuhuku ho o biso ma hoka yomakokigoto de yoiki o Yesusu iwikokibuhukika de yopoa-poaka ato, “Hihigogiriiri Ma Jou! Una woboaino naa Ma Jou ai uru ma dodofanga! De Unangoo o Isiraele ma nyawa nanga Koano, ho higahoko ma owa Ma Jouino!” Hokogea iwihigiriiri o Yesusu.

Ka de manga gogahoko gea woihene de o Yesusu wahingahu ona mata-mataika wato, “Ma oraha adonoka la Ma Jou wahimatoko o nyawaika abe to Una ai medebini ma dararono itagi Ngohi o Nyawa ma Ngofakino.