Popular Bible Verses from Muuduko 1

ಹಂಚಿಕೊಳ್ಳಿ

Toruda'ai Gooti tool aro sajunokaikono. “Aga a'mwo nevubusuko tonyu yakwollanokwono. Toro ton yiuwi'nokai domwoga toorogai'aro dokato toorogai'aro yiuwi'nokai kwako akavida'ai ibesa'aiyo kuulludaiyorodeyo oo wiyorodeyo toorogai'aro yiuwi'nokai kwako mworogu'nomollodupudo toorogai'aro toorai mido mollomwallo imwalpino'moneyokwe tonyu yokwollosanokwono.” Gooti tool toro sajunokaikono. Toro yajunyuno sumaiyokwe toga Gooti tool a'mwo abolo gavubusuko tonyu sokwollosokagano. Toro tool aro sokwollosokaikono. A'mwo pweke abolo purukwe tovallu sokwollosokaikono.

Gooti tool toro sokwollosoka tovallu sugudo tov uubweyo'moneyokwe aro kuudokaikono. “A'mwo abolo bwotonyago ton jawosungovlavogaulo. Yo'bullu kemoro kwolaiyo taiyo ton kwako akavi aiyowomno mwolopipinogano. Toro mwolopiyopi toga yiuwi'nokai kwako akavida'ai tonyu mollomwalpinogano. Yiuwi'nokai domwoga toorogai'aro dokato toorogai'aro yiuwi'nokai aiyokwe ibesa'aiyo toorogai'aro toorai mido mollomwalpinogano.” Kuudokaikono.

Aiyoga muudu'nodo toga Gooti tool sulugumdo tokwe kwako tokwe tovallu sokwollosokavakono.

Kwako sokwollosoka su tovi yiuwi'nokai noonyumwonyu ton yere miyokwollusungikogano. Aki kwako su tov judo kula'noka yalugunodowo yiuno wonyo kamiyo to'no amjo'mawiyajukokwono. Aki dugumwuulo tov aiyowomno kwollajukokwono. Toro te Gooti toolluro Kuullo tool wonyo kamiyo tovi mabwolbogai'nodawo muunyu toru lobunyu somollajukekono.

Toruda'ai Gooti tool aro adokaikono. “Bako puruv neya imo'nono.” Toro adoka toga bako tov kuvinono sumo'nokakwono.

Toro te Gooti tool yiuwi'nokai ajokwollosoka tonyu wonyuno sumaiyokwe aro adokaikono. “Oo sugudo kuunodogano.” Adokaikono. Toro te iruko su tollugwojuro surakuuto tov me'no uuwolo'no'no lomwo sullourosokakwono. Toro illourosuno sumaiyokwe iruko naba 6 tollugwo me'no abawokakwono.

Gooti tool bako su tovi sumdo wonyuno sumaiyokwe adokaikono. “Oo sugudokwono.” Toro juno sumaiyokwe dugumdo tokwe bako tokwe tovallu pumgu pumgu amomuudeyosokaikono.

Gooti tool toro me'no wuujuno sumaiyokwe aki aro adubweyokaikono. “Kemi yiuwi'nokai nonyo'mo ton me'no sovrovaikubwemogano. Toro ton pun ikulsulo togano. Pun no ki'nodowodo togano. Toro tonyuda'ai kevu nokwo numwalpinogaikikono.

Gooti tool toro momuudeyosuno sumaiyokwe bako tovino yovo tov, Irukovo sowarokakwono. Aki dugumdo tovino yovo tov, Surakuutovo, sowarokakwono. Toro te surakuuto su tov me'no uuwolo'no'no lomwo sullourosokakwono. Toro illourosuno sumaiyokwe iruko muudu'nodo tollugwo me'no abawokakwono.

Toruda'ai Gooti tool aro adokaikono. “Wonyo kamiyo akavi momuudeyapiyo'mo sodo puruv neya worono.” Adokaikono.

Aki yiuwi'nokai ibesa'aiyo allu kuulolo toorogai'aro kwako tovi mworogu'nomollodupudo toorogai'aro dokato toorogai'aro yiuwi'nokai aiyo mwallokwe toorogai'aro tooraiyo'mo nugovla'mwalpino'moneyokwe ikoul kuuwopto togai'aro gwo'gwopto togai'aro ton kuubwemonyugono.” Gooti tool a'mwo kwolabolo teyaullu toro adubweyoka tov kuvinono sumo'nokakwono.

Toruda'ai Gooti tool aro adokaikono. “Sulugumdo tovi bakokwe pun neya ilaronokwono. Bako su tonyuro pwol iruko toga'nekono. Pun surakuuto toga'nogano. Toro tonyu a'mwo abolo ton wonopi iruko tollugwogai'aro lobako tooke'aro kworomo tooke'aro tonyuno nokwo jagilmwalpinogano.” Adokaikono.

Toruda'ai Gooti tool adokaikono. “Kwako tovi yiuwi'nokai buro'nyo buro'nyo ikodeyo gwo'gwoptodeyo sulo judo'no judo'no pumgu'aro ki'nyo'mo ton neya imo'nupuro.” Adokaikono. Toro adoka tovi kuvinono sumo'nopogano.

Toro juno sumaiyokwe sodo tov imo'no'no wonyo kamiyo tovi muunyomgu kwakomgu amomuudeyapiyokakwono. Toro te wonyo tov pun sodo tovi muunyu tomuu sularokakwono. Pun sodo tovi kwako tomuu kworokakwono. Toro te Gooti toolluro adoka tov kuvinono sumo'nokakwono.

Toro te kwako tovi yiuwi'nokai buro'nyo buro'nyo ikodeyo gwo'gwoptodeyo sulo judo'no judo'no pumgu'aro ki'nyokwe ton sumo'nopogano. Toro sumo'nopo tonyu Gooti tool sumdo wonyuno sumaiyokwe aro adokaikono. “Oo sugudokwono.” Adokaikono.

Toro te Gooti tool bakokwe su tonyu yokwollosuno sumaiyokwe bakokwe aguto tool iruko toga'no kwosokaikono. Bakokwe iwapiyo pwol surakuuto toga'no kwosokaikono. Toro yokwolloso'no aki sullugabwo togai'aro sokwollosokaikono.

Toruda'ai Gooti tool aro adokaikono. “Sulugumdo tovi dolago tomuuda'ai wonyo tov avalo pumgu neya woronokwono. Toro wo'dowo'jure toga pumgu yalukullo imo'nonokwono.” Gooti tool toro adoka toga kuvinono sumo'nokakwono. Toro te yalukullo sumo'noka tovino Gooti tool adokaikono. “Kwakovo, sowa'mono. Aki wonyo buugo teno yovo tov, Soolworavo, sowa'mono.” Adokaikono. Toro yowa'no sumaiyokwe sumdo wono'no aro adokaikono. “Oo sugudokwono.” Adokaikono.

Gooti tool toro juno sumaiyokwe yiuwi'nokai sokwollosoka su toorai sugudo tov uubweyo'moneyokwe aro adubweyokaikono. “Yiuwi'nokai wonyo tovi amwakopo tooro bwotonyago neya yawosunopi soolwara tovi aiyowomno yo'mowopipinorogano. Aki dokato tooro bwotonyago yawosunopi kwako akavi aiyowomno neya yo'mowopipinorogano.” Toro adubweyokaikono.

Toruda'ai Gooti tool aro adokaikono. “Noonyumwonyu ibesa'aiyo allu kuulolo toorogai'aro kwako tovi mworogu'nomollodupudo kworogai'aro tooro kwako akavi mwallo'mo neya imo'nupuro. Noonyumwonyu wuulo ki'duvolodupudo toorogai'aro kwako tovi mworogu'nomollodupudo toorogai'aro yiuwi'nokai tooro yiuno kevnokwerobusuko to'no neya amulojai'nogapuro.” Adokaikono. Toro adoka tovi kuvinono sumo'noporogano. Toro te yiuwi'nokai sumo'nopo su tooro Gooti toolluro sokwollosokarogano. Toro toorai Gooti tool sumdo wono'no adokaikono. “Oo sugudorogano.” Adokaikono.

Toruda'ai Gooti tool aro adokaikono. “Wonyo tovi anakuuto tomuu yiuwi'nokai aiyokwe tooro bwotonyago neya kuullumo'nupinorogano. Aki muunyu tomuu dokato plovomollo'moneyokwe judo'no judo'nodo tooro neya imo'nupinorogano.” Adokaikono.

Toruda'ai Gooti tool aro adokaikono. “Noonyumwonyu ibesa'aiyo allu kuulolo toorogai'aro kwako tovi mworogu'nomollodupudo kworogai'aro tooro kwako akavi mwallo'mo neya imo'nupuro. Noonyumwonyu wuulo ki'duvolodupudo toorogai'aro kwako tovi mworogu'nomollodupudo toorogai'aro yiuwi'nokai tooro yiuno kevnokwerobusuko to'no neya amulojai'nogapuro.” Adokaikono. Toro adoka tovi kuvinono sumo'noporogano. Toro te yiuwi'nokai sumo'nopo su tooro Gooti toolluro sokwollosokarogano. Toro toorai Gooti tool sumdo wono'no adokaikono. “Oo sugudorogano.” Adokaikono.