Popular Bible Verses from Génesis 15

ಶೇರ್

Li Abrame lec i'ilat yu'un Dios ta sventa xch'unojel yo'nton.

Ts'acal to, li Muc'ul Diose la sc'opan ta xvayech li Abrame, jech laj yalbe: —Mu xaxi' Abram. Vu'un jchabivanejun avu'un. Li amotone toj ep chata —xut.

Li Muc'ul Diose laj yic' loq'uel ta amac' li Abrame jech laj yalbe: —Q'uelo lec avil li vinajele. Ato jaybej li c'analetique. Jq'ueltiquic me xu' avu'un yatel, yu'un jech to yepal chbat li amomnich'nabtaque —xut.

Pero jech i'albat yu'un li Diose: —Li boch'o ta xich' comel c'usitic oy avu'une ja' anich'on atuc. Mu xu' yan boch'o chich' comel —x'utat.

Ja' yu'un jech i'albat yu'un li Muc'ul Diose: —Tsc'an chana' ti ta to xbat naquiicuc ta yan banamil li amomnich'nabtaque. Te ch-ochic ta mozoil, xchi'uc te ta xich'ic uts'intael chanib ciento (400) jabil.

Li Abrame jech la stac': —Cajval, Muc'ul Dios, ¿c'usi chtun o cu'un li jmoton chavac'bune yu'un lec xana' ti mu'yuc jnich'one? Ta sventa ti mu'yuc avac'ojbun junuc jnich'one, scotol li c'usitic oy cu'une ja' ta xich' comel li jun jmozo Eliezer liquem tal ta Damascoe —xut.

Ja'o yorail oy c'usi la xchapanic xchi'uc Abram li Muc'ul Diose, jech laj yalbe: —Li banamil le' xlic tal ta yuc'umal Egipto c'alal to ta muc'ta uc'um Eufratese ja' ta xcac'be li amomnich'nabtaque.

C'alal me ijelov xa'ox xchanc'olal amomnich'nabtaque, ja' to ta sutic tal yan velta li'i, yu'un mu'yuc to ta xc'ot bu c'alal spajeb smulic li amorretique —xi li Muc'ul Diose.