Popular Bible Verses from Génesis 11

ಶೇರ್

Li Muc'ul Diose jech la snop: “Ta scoj ti jun no'ox slumalic scotol li cristianoetique xchi'uc ti jun no'ox sc'opique, ja' yu'un la sliquesic li abtel yu'unique. Jech mu c'uxi xpaj o li c'usiuc no'ox snop tspasique. Ja' lec yalcutic; bat jc'atajesbetic li sc'opique yu'un jech mu xa xa'ibe sba sc'opic”, xut sbaic.

Ts'acal to jech laj yalbe sbaic noxtoc: “Jliquestic spasel jun muc'ta lum xchi'uc jun toyol q'uelub osil, ac'o c'otuc cu'untic c'alal to ta vinajel. Me jech ta jpastique, chpuc lec jc'oplaltic, jech ich'bil ta muc' chijc'ot. Jech mu persauc ta jpuc jbatic batel ta scotol banamil”, xut sbaic.

Li slumalic bu la sliquesic spasele ja' Babel ic'ot sbi. Yu'un li Muc'ul Diose ja' te la sc'atajesbe sc'op scotol li cristianoetic ta banamile, xchi'uc ja' te lic spuc batel ta sbejel banamil.

Li cristianoetic ta vo'one jun to'ox sc'opic scotolic.

Li Muc'ul Diose iyal tal, yu'un tal sq'uel li lume xchi'uc li q'uelub osil tspasic li cristianoetique.

Ja' yu'un li Muc'ul Diose la spuc batel ta scotol banamil li cristianoetique. Jech te iquechaj o spasel li slumalique.