Popular Bible Verses from Matius 15

ಶೇರ್

Naupawee, napa to nehuwu lako ngudu, narata lako ihi rara pade eemi to nampakarumu tauna i tingoo Alatala. Apa lako rara tauna neumba pampekiri-pampekiri to nadaa, dota mepatehi, mebualohi bo meago, mogau hala, mangio, manguli to moma nakono nangkambelai tau ntanina, pade mepakudaa.

To nampakarumu tauna i tingoo Alatala, moma to nehua i rara nguduna. Naupawee to nehuwu lako rara nguduna, eemi to nampakarumu'i.”

‘Todea i ngata ei nampemabohe-'A hante wiwira, naupawee rarara na'awa lako hi Aku.’ Moma naria bunura nepue hi Aku, apa patudu to laipatudukara tau ntanina, aga atura to laibabei manuhia.”

Lauparia Yesus nangulika'i, “To tina, nabohe peparahayamu. Madupami hi iko ewa to laiperapimu.” Tempo ee mui naurimi anana.

Nangepe lauria, bangkele ee mai nampamohuki Yesus pade notingkodu i tingoo-Na, iulina, “Pue, tulungi'akuwo!” Naupawee Yesus nehono, “Moma mahipato mangala roti to laipahadiakara ngana pade rateneka dike.” Nehono bangkele ee mai, “Nakono Tuama! Naupawee dike nangkoni hewu konia to nanawu lako meja maradikana.”