Popular Bible Verses from မဿဲ 12

ಶೇರ್

“နန်းနို့လေဟှို ငါပြောမယ်၊ တရားစီရင်ဟှူနေ့မာ လူတိုင်း ကျိုးမှေ့ဘဲဟှူ စကားလေတွပ် စစ်ကြောစီရင်ခံရလေ့မယ်။ နန်းနို့ရဲ့ စကားအားဖြင့် ပြစ်လွတ်ခံရဘီး နန်းနို့ရဲ့ စကားအားဖြင့်ဘဲ့ ပြစ်စီရင်ဇာဟှို ခံရလေ့မယ်” ဆိုဘီး မိန့်တော်မူလေဟှယ်။

ဝှေ့ မွီဗွေးလေ နန်းနို့လေဟှာ ယောက်ညံ့ဟှူသူလေ ဖြစ်ဟှူကြောန့် ကောန်းမြတ်ဟှူ စကားလေဟှို ဖယ်မူမျိုး ပြောနိုင်ဂေ့မယ်နူး။ စိနှလောင်းထဲမာ ရှိဟှူတိုင်းဘဲ့ နှောက်ဟှ ပြောတတ်လေဟှယ်။

ကောန်းမြတ်ဟှူသူလေဟှာ ကောန်းမြတ်ဟှူ စိနှလောင်းဘဏ္ဍာတိုက်ထဲဟှ ကောန်းမြတ်ဟှူဇာလေဟှို ထုဖော်တတ်ဘီး ယောက်ညံ့ဟှူသူလေဟှာ ယောက်ညံ့ဟှူ စိနှလောင်းဘဏ္ဍာတိုက်ထဲဟှနေဘီး ယောက်ညံ့ဟှူဇာလေဟှိုဘဲ့ ထုဖော်တတ်လေဟှယ်။”

အယ်ကြောန့် ငါပြောမယ်။ ပြစ်မှားပြောဆိုဟှူပြစ်န ကဲ့ရဲ့ဟှူ ပြစ်ဘောန်းဇောင်တွပ် လူလေဟှာ ခွမ့်လွှတ်ခံရနိုင်ဘေမဲ့ သန့်ရှင်းဟှူဝိညာဉ်တော်ဟှို ပြစ်မှားဘီး ပြောဆိုဟှူ သူဟှာ ခွမ့်လွှတ်ခံရဟှို့ မှုဟှ။

“သီးကောန်းဟှို လိုရှင်ဟှယ် ဆိုဟှာ သစ်ပန်ကောန်းဟှို စိုက်ရဟှယ်။ သစ်ပန်ကောန်းဟှာ သီးကောန်းဟှိုဘဲ့ သီးလေ့မယ်။ သီးဟှို ကေ့လိုက်ဟှူန သစ်ပန်ရဲ့ သဘောဟှို သိရလေဟှယ်။