Popular Bible Verses from SAN MATEO 4

ಶೇರ್

Pero e xiꞌ tkbaꞌnxin te taaw il: —Tzin tkbaꞌn tuj tyol Dios cyjulu: “Yaaꞌn nuk oꞌcx tuꞌn twa jun xjal iꞌtzen. Ja te mas il tiꞌj, tuꞌn tnimante cykilca yol tzin tkbaꞌn Dios,”―tz̈i Jesús.

Bix e xiꞌ tkbaꞌnxin te taaw il: —¡Min! Cutxey, Satanás, cuma tzin tkbaꞌn tyol Dios cyjulu: “Nuk oꞌcx ja Dios cjawel cynimsaꞌna, bix nuk oꞌcx te texin baꞌn cyajbeꞌney,”―tz̈i Jesús.

Pero aj ttzakꞌbeꞌn Jesús te: —Pero jax tzin tkbaꞌn tyol Dios cyjulu: “Miꞌn tzꞌoc cycyakwusaꞌna Cyaawey Dios tuꞌnj toc cykꞌoꞌna tuj malbil te, ka jax tuꞌn,”―tz̈ixin.

Yajcꞌatltzen bix e xiꞌ kꞌiꞌn Jesús tuꞌn Espíritu Santo tuj jun lugar mintiiꞌ cynajbil xjal tuj, tuꞌntzen toc tkꞌoꞌn taaw il tipen tiꞌjxin tuꞌn tyeecꞌante Jesús tnimbil texin. E cub tpaꞌn weyaj cyaꞌwnak kꞌij tuyax cyaꞌwnak koniyan, bix tej tjapan baj cyaꞌwnak kꞌij, otkxsen bajxin tuꞌn weyaj.

Bix e xiꞌ tkbaꞌnxin cyexin: —Chi lpetza wiꞌja. Jaꞌlewe lu key nchi chmona quis̈. Pero chi oquel nkꞌoꞌna te chmol xjal tuꞌn cyxiꞌ lpe wiꞌja―tz̈i Jesús cyexin. Bix ncyaj cykꞌoꞌn najtlxin cyxiyꞌpaxin, bix oc lpekexin tiꞌjxin.

Tponlenxitltzen Jesús Capernaum, akꞌxin kꞌumlte tyol Dios. E tkbaxin cyjulu: “Chi meltzꞌaja tuya Dios, cuma ma pon tumel tuꞌn tul tcawbil Dios tuj cyaꞌj,” tz̈ixin.