Popular Bible Verses from متّی 1

ಶೇರ್

اُونکُوں پُتر ڄَؤسی اَتے تُوں اُوندا ناں یِسُوع رکھیں کیوں جو او اپݨے لوکیں کُوں اُنہیں دے گُناہیں کنُوں چھُٹکارا ݙیسی۔“

”ݙیکھو ہِک کُواری پیٹ نال تھیسی اَتے اُونکُوں پُتر ڄَؤسی اَتے اُوندا ناں عِمانُوایل رکھیسِن“ جَیندا مطلب ہے،خُدا ساݙے نال۔

او اِیں بارے سوچیندا پِیا ہا جو خُداوند دا فرِشتہ اُوندے خاب اِچ آیا اَتے آکھیا، ”اَے یُوسف! تُوں جیرھا داؤد دی نسل اِچوں ہَئیِں مریم نال پرنیڄݨ کنُوں نہ ݙَر کیوں جو اُوندا حمل خُدا دے پاک‌رُوح کنُوں ہے۔

ہُݨ یِسُوع مسِیح دا ڄاوَݨ اِیں تھِیا جَیں ویلے اُوندی ماء مریم دی منگݨی یُوسف نال تھئی پئی ہَئی تاں اُنہیں دے پرنیڄݨ کنُوں پہلے او خُدا دے پاک‌رُوح دی قُدرت کنُوں پیٹ نال تھی ڳئی۔ اِیں کیتے اُوندے منگیندے یُوسف جیرھا نیک ہا اَتے اُونکُوں بَدنام کرَݨ نہ چاہندا ہا، اپݨے دِل اِچ منگݨی تَروڑ ݙیوَݨ دا فیصلہ کیتا۔