ಮತ್ತಾಯ 18ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

ಶನಕತೊ ಬೇ ನತರ್‌ಕಿ ತೀನ್ ಜ಼ಣು ಮಾರ ನಾಮ್‍ಪರ್ ಕಿಜ್ಗಾ಼ ಎಕ್ಟು ಹುಯಿನ್ ಐರ‍್ಹೇಸ್ಕಿ ಹಿಜ್ಜಾ಼ ಇವ್ಣ ಇಚ಼್‌ಮ ಮೇ ರ‍್ಹೆವುಸ್‌.

ಎತ್ರೇಸ್ ಕಾಹೆತೆ, ತುಮಾರಾಮ ಬೇ ಜ಼ಣು ಆ ಧರ್ತಿಪರ್ ಎಕ್ಕಸ್ ಮನ್‌ಥಿ ಶಾತ್‌ ಮಾಂಗಿಲಿದುತೋಬಿ ಸೊರ್ಗಾಮ ಛಾ಼ತೆ ಮಾರೊ ಬಾ ಇವ್ಣುನ ದಿಶೆ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್.

ಇನಖ್ಹಾಜೆ ಯೇಸುನೆ ಏಕ್‌ ಅಡ್ಡಾಣಿ ಲಡ್ಕಾನ ಬುಲೈನ್, ಶಿಷ್ಯರ್‌ನ ಖ್ಹಾಮ್ಣೆ ಭಿರಾಖಿನ್, “ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಪಾಛು಼ ಫರೀನ್, ಆ ಅಡ್ಡಾಣಿ ಲಡ್ಕಾನಿ ಘೋಣಿ ನಾ ಹುಯಾತೊ, ತುಮೆ ಸೊರ್ಗಾನು ರಾಜ್ಯಮ ಜಾ಼ಶುಸ್ ಕೊಯ್ನಿ.

ಕೋಣ್ ಅಡ್ಡಾಣಿ ಲಡ್ಕಾನಿಘೊಣಿ ಇನು ಯೋ ಝು಼ಕೈಲೇಸ್ಕಿ, ಯೋಸ್ ಸೊರ್ಗಾನು ರಾಜ್ಯಮ ಖ್ಹಾರೇಥಿ ಮೋಟೊ.

ಅತ್ರೇಸ್ ಕಾಹೆತೆ ಕೋಣ್‌ತೋಬಿ ಮಾರ ನಾಮ್‌ಪರ್‌ ಅಮ್ನಏಕ್ ಅಡ್ಡಾಣಿ ಲಡ್ಕಾನ ಬುಲೈಲೇಸ್ಕಿ, ಯೋ ಮನ ಬುಲೈಲ್ಯವಾಳೊ ಹುಯಿರ‍್ಹೊಸ್.

ಮೇ ತುಮೂನ ಖ್ಹಾಚಮಾಬಿ ಬೋಲುಸ್: ತುಮೆ ಆ ಧರ್ತಿಪರ್ ಶಶ್ಶಾತ್ ಭಾಂದಾಸ್ಕಿ, ಯೋ ಖ್ಹಾರು ಸೊರ್ಗಾಮಾಬಿ ಭಂದೈರ‍್ಹೀಶೆ, ಅಜು಼ ತುಮೆ ದರ್ತಿಪರ್ ಶಶ್ಶಾತ್ ಛೋ಼ಡಾಸ್ಕಿ ಯೋ ಖ್ಹಾರು ಸೊರ್ಗಾಮಾಬಿ ಛೋ಼ಡಾವ್‌ಶೆ.

ತುಮಾರಾಮ ಹರೇಕ್ ಜ಼ಣು ಇನ ಭೈನ ದಿಲ್‌ಥಿ ಮಾಪ್‌ ನಾ ಕರ‍್ಯಾತೊ, ಸೊರ್ಗಾಮ ಛಾ಼ತೆ ಮಾರೊ ಬಾಬಿ ತುಮೂನ ಯೋ ರಾಜಾ಼ನೆ ಕರ‍್ಯೊತೆ ಇಮ್ಮಸ್ ಕರ್ಶೆ” ಕರಿ ಬೋಲ್ಯೊ.

ಮಾರಪರ್ ವಿಶ್ವಾಸ್ ಕರಾವಾಳ ಆ ನ್ಹಾನಾವ್‍ಮ ಏಕ್‌ನ ಕೋಣ್‌ತೋಬಿ ಭೀರಾಖ್ಯೂತೊ, ಇಮ್‌ನಾನ ಘಲೆಂಡ ಕೇಡೆ ಘಟ್ಟಿನ ಬಂಡಾನ ಭಾಂದಿನ್, ಗಧಾರ್ ದರ‍್ಯಾವ್‌ಮ ಡುಬೈನಾಖಾನುಸ್ ಇನ ಅಛ್ಛು಼.

ತುಮೂನ ಕಿಮ್ ದೆಖಾವಸ್? ಏಕ್‌ ಅದ್ಮಿಕನ ಖ್ಹೋ ಮೇಂಢರ‍್ಹೀನ್, ಇನಾಮ ಏಕ್‌ ಮೇಂಢು ಗುಮೈಗಯೂತೆ, ಯೋ ಅದ್ಮಿ ನೌ ಉಪ್ಪರ್ ಖ್ಹಡ್‌ಚಾರೀಖ್ಹ್ ಮೇಂಢಾನ ಮ್ಹೆಂದಿನ್, ಗುಮೈಗಯೂತೆ ಯೋ ಮೇಂಢಾನ ಢೂಂಡಾನ ಜಾ಼ಯಿಕೊಯ್ನಿಕಿ ಶು?