Popular Bible Verses from ಮತ್ತಾಯ 16

ಶೇರ್

ಅನಕೇಡೆಥು ಯೇಸುನೆ ಇನ ಶಿಷ್ಯರ್‌ನ, “ಕಿನಾತೋಬಿ ಮಾರ ಪೀಠೆ ಆವ್ಣುಕರಿ ಮನ್ ಉಶೇತೊ, ಯೋ ಖ್ಹುದ್‌ನ ಭೈಕಿಜೈ಼ನ್, ಇನಿ ಶಿಲ್‌ಬೇನ ಪಾಡಿಲೀನ್, ಮಾರ ಪೀಠೆ ಆವಾದೆ.

ಅಜು಼ ಮೇ ತುನ ಶಾತ್ ಬೋಲಸ್‍ಕತೊ, ಪೇತ್ರ, ತೂ ಬಂಡೊ, ಅಜು಼ ಆ ಬಂಡಾಪರ್ ಮೇ ಮಾರಿ ಸಬೆನ ಭಾಂದೀಶ್, ಪಾತಾಳ್ನಿ ಶಕತ್‌ಬಿ ಇನ ಕದೇಬಿ ಹರಾವನ ಕೋ ಉಶೇನಿ.

ಸೊರ್ಗಾನು ರಾಜ್ಯನು ಬೀಗಾನ ಖ್ಹಾರು ಮೇ ತುನ ದಿಶ್; ಧರ್ತಿಪರ್ ತೂ ಶಾತ್ ಭಾಂದೀಶ್‌ಕಿ, ಯೋ ಸೊರ್ಗಾಮಾಬಿ ಭಂದಾವ್‌ಶೆ, ಅಜು಼ ಧರ್ತಿಪರ್ ತೂ ಶಾತ್ ಛೋ಼ಡಿಶ್‌ಕಿ, ಯೋ ಸೊರ್ಗಾಮಾಬಿ ಛೋ಼ಡಾವ್‌ಶೆ” ಕರಿ ಬೋಲ್ಯೊ.

ಇನೊ ಜಾನ್ನ ಬಚಾ಼ಡಿಲೇವ್ಣು ಕರಿ ಕರಾವಾಳು ಇನ ಗುಮೈಲಿಶೆ; ಕತೋಬಿ ಮಾರಖ್ಹಾಜೆ ಇನ ಜಾನ್ನ ಗುಮೈಲ್ಯಾವಾಳು ಇನ ಬಚಾ಼ಡಿಲಿಶೆ.

ಏಕ್‌ ಅದ್ಮಿ ಹಿಡಿ ಜಗತ್‍ನಾಸ್ ಕಮೈಲೀನ್, ಇನ ಜಾನ್ನ ಲುಕ್‌ಶಾನ್ ಕರಿಲಿದುತೋ, ಇನ ಶನಿ ಫಾಯಿದೊ? ಶನೀಸ್ ಫಾಯಿದೊ ಕೊಯ್ನಿ! ಯೋ ಅದ್ಮಿ ಬಿಜು಼ ಶಾತ್ಬಿ ದೀನ್ ಇನ ಜಾನ್ನ ಪಾಛು಼ ಬಚಾ಼ಡಿಲ್ಯವಾನ ಕೋ ಹುವಾನಿ!

ಯೇಸುನೆ ಇವ್ಣುನ, “ತುಮೆ ಮನ ಕೋಣ್ ಕರಿ ಬೋಲೋಸ್?” ಕರಿ ಪುಛಾ಼ಯೊ. ತದೆ ಸೀಮೋನ ಪೇತ್ರನೆ, “ತೂ ಆವ್ಣುತೆ ಕ್ರಿಸ್ತ, ಜಿವ್ತೊ ದೇವ್‌ನೊ ಛಿಯ್ಯೊ” ಕರಿ ಜ಼ವಾಬ್ ದಿದೊ.

ಯೇಸುನೆ, “ಯೋನಾನೊ ಛಿಯ್ಯೊ ಸೀಮೋನ, ತೂ ಧನ್ಯ ಹುಯಿರ‍್ಹೋಸ್! ಆ ಖ್ಹಾಚ಼ನ ತುನ ಮಾಲುಮ್ ಕರಾಯೂತೆ ಅದ್ಮಿನೆ ಕಾಹೆ, ಪಣ್ಕಿ ಸೊರ್ಗಾಮ ಛಾ಼ತೆ ಮಾರ ಬಾನೇಸ್ ಆ ಖ್ಹೂಜ಼್‌ ಕರಾಯೋತೆ ಕರಿ ಬೋಲ್ಯೊ.