Popular Bible Verses from ಮತ್ತಾಯ 14

ಶೇರ್

ಕತೋಬಿ ವ್ಹಯಿರಾನ ರಪಾಟಾನ ದೇಖಿನ್‌ ಡರಿನ್, ಪಾಣಿಮ ಡುಬಾಲಗ್ಯೊ ಅಜು಼ “ಪ್ರಭು, ಮನ ಬಚಾ಼ಡ್‍!” ಕರಿ ಚಿಕ್‌ರ‍್ಯೊ. ಯೋಸ್ ವಖ್ಹತ್‌ಮ ಯೇಸು ಹಾತ್‌ ಖ್ಹಾಮ್ಣೆ ಕರೀನ್, ಇನ ಧರೀನ್, “ಏ ಕಮ್‍ವಿಶ್ವಾಸ್‍ವಾಳ! ತೂ ಶನ ಶಕ್ ಕರ‍್ಯೊ?” ಕರಿ ಬೋಲ್ಯೊ.

ಕತೋಬಿ ವ್ಹಯಿರಾನ ರಪಾಟಾನ ದೇಖಿನ್‌ ಡರಿನ್, ಪಾಣಿಮ ಡುಬಾಲಗ್ಯೊ ಅಜು಼ “ಪ್ರಭು, ಮನ ಬಚಾ಼ಡ್‍!” ಕರಿ ಚಿಕ್‌ರ‍್ಯೊ.

ತದ್‌ನು-ತದ್ದೇಸ್ ಯೇಸುನೆ ವಾತೆ ಬೋಲಿನ್ ಇವ್ಣುನ, “ಹಿಮ್ಮತ್‌ ರ‍್ಹವಾದೆ; ಆ ಮೇಸ್! ಡರೊ ನಕೊ!” ಕರಿ ಬೋಲ್ಯೊ.

ತದೆ ಪೇತ್ರನೆ, “ಪ್ರಭು, ಆ ತೂಸ್ ಉಶೇತೊ, ಮನ ಪಾಣಿಪರ್‌ ಚಾ಼ಲಿನ್ ತಾರಕನ ಆವಾನ ಹುಕುಮ್ ದೇ” ಕರಿ ಬೋಲ್ಯೊ. ಯೇಸುನೆ ಇನ, “ಆವ್!” ಕರಿ ಜ಼ವಾಬ್‌ದಿದೊ. ತದೆ ಪೇತ್ರ ಯೇಸುಕನ ಜಾ಼ವಾನಖ್ಹಾಜೆ ಡೋಣ್‌ಮಾಥು ಉತ್ರಿನ್, ಪಾಣಿಪರ್‌ ಚಾ಼ಲಲಗ್ಯೊ.

ತದೆ ಡೋಣ್‌ಮ ಥಾತೆ ಶಿಷ್ಯರ್‌ನೆ, “ಖ್ಹಾಚ಼ಮಾಬಿ ತೂ ದೇವ್‌ನೊ ಛಿಯ್ಯೊ” ಕರಿ ಬೋಲಿನ್, ಯೇಸುನ ಆರಾದನೆ ಕರ‍್ಯಾ.

ಯೇಸುನೆ ಇವ್ಣುನ, “ಅದ್ಮಿಖ್ಹಾರು ಜಾ಼ವಾನು ನಕೊ, ತುಮೇಸ್ ಇವ್ಣುನ ಖಾವಾನ ಶಾತ್‌ತೋಬಿ ದೆವೊ!” ಕರಿ ಬೋಲ್ಯೊ. ತದೆ ಶಿಷ್ಯರ್‌ನೆ, “ಹಜ್ಜಾ಼ ಹಮಾರಕನ ಪಾಚ಼್ ರೋಟಾ ಅಜು಼ ಬೇ ಮಾಛ಼್‌ಲಾ ಎತ್ರುಸ್ ಛಾ಼ತೆ” ಕರಿ ಜವಾಬ್‌ ದಿದಾ.

ತದೆ ಯೇಸುನೆ, “ಇನ ಹಜ್ಜಾ಼ ಮಾರಕನ ಲೀನ್, ಆವೊ” ಕರಿ ಬೋಲ್ಯೊ. ಅಜು಼ ಅದ್ಮಿ ಖ್ಹಾರಾನ ಘಾಖ್ಹ್‌ಪರ್‌ ಬೇಖ್ಹೊ ಕರಿ ಬೋಲಿನ್, ಯೋ ಪಾಚ಼್ ರೋಟಾ ಅಜು಼ ಬೇ ಮಾಛ಼್‌ಲಾನ ಪಾಡಿಲೀನ್, ಆಬ್‍ಭಣಿ ದೇಖಿನ್‌, ದೇವ್ನ ಧನ್ಯವಾದ್ ಕರೀನ್, ಯೋ ರೋಟಾವ್ನ ತೋಡಿನ್, ಶಿಷ್ಯರ್‌ನ ಹಾತ್‌ಮ ದಿದೊ. ಶಿಷ್ಯರ್‌ನೆ ಅದ್ಮಿನಿ ಝೂ಼ಂಡ್‌ನ ದಿದಾ.

ತಮಾಮ್‌ ಅದ್ಮಿ ಖೈನ್ ಬಶ್‌ಹುಯು. ಉಬ್‍ರ‍್ಯುತೆ ಟುಕ್ಡಾವ್‍ನ ಜ಼ಮಾಕರ್ತಖ್ಹತರ್‌ ಭಾರ ಟೋಕ್ರಾ ಭರಾಯು.