Popular Bible Verses from ಯೋಹಾನ 5

ಶೇರ್

“ಮೇ ತುಮೂನ ಖ್ಹಾಚ ಬೋಲುಸ್ಕಿ, ಮಾರಿ ವಾತೇನ ಖ್ಹಮ್‌ಜಿನ್‌, ಮನ ಮೋಕ್‌ಲ್ಯೊತೆ ಇನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಮಳಿರ‍್ಹೀಸ್‌. ಇನ ತೀರ್ಪ್ ಕೋ ಉಶೇನಿ; ಯೋ ಮರಣ್ಣ ಉಲಾಂಗಿನ್, ಜಾನ್‌ಮ ಪೇಶಿರ‍್ಹೋಸ್‌.

ಯೋ ಹಿಜ್ಜಾ಼ ಪಡ್ಯೋತೆ ಯೇಸುನೆ ದೇಖ್ಯೊ, ಯೋ ಘಣ ವರಖ್ಹ್‌ಥು ರೋಗ್‌ಮ ಥೋತೆ ಯೇಸುನ ಮಾಲುಮ್‌ ಥೂ. ಇನಖ್ಹಾಜೆ ಯೇಸುನೆ ಇನ, “ತುನ ಅಛ್ಛು಼ ಹೋಣು ಕರಿ ದಿಲ್‌ ಛಾ಼ ಕಿಶು?” ಕರಿ ಪುಛಾ಼ಯೊ.

ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್‌, ಯೋ ತುಮೂನ ಹಮೇಶಾನಿ ಜಿ಼ಂದ್‌ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್. ತೋಬಿ ತುಮೆ ಮಾರಕನ ಐನ್ ಯೋ ಜಾನ್ನ ಲೀಲ್ಯಾವನ ತುಮೂನ ಮನ್‌ಕೊಯ್ನಿ.

ಯೇಸು ಇನ, “ಉಪ್ಪರ್ ಉಟ್, ತಾರಿ ಬಿಛಾ಼ವ್ಣಿನ ಪಳ್ಳಿನ್‌, ಚಾ಼ಲ್” ಕರಿ ಬೋಲ್ಯೊ. ತದ್‌ನು-ತದೇಸ್‌ ಯೋ ಅದ್ಮಿನ ಅಛ್ಛು಼ ಹುಯಿಗಯು; ಇನೆ ಇನಿ ಬಿಛಾ಼ವ್ಣಿನ ಪಳ್ಳಿನ್ ಚಾ಼ಲ್ಯೊ. ತದೆ ಸಬ್ಬತ್‌ ದನ್ ಹುಯಿರುಥು.

ತದೆ ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಬಾ ಕರಾಸ್ತೆ ಇನ ದೇಖಿನ್‌ ಛಿಯ್ಯೊ ಕರಾಸ್ ಪಣ್ಕಿ, ಇನೇಥಿ ಯೋಸ್‌ ಶಾತ್ಬಿ ಕರಾನ ಕೋ ಹುವಾನಿ. ಬಾ ಕರಾಸ್ತೆ ಇಮ್ಮಸ್ ಛಿಯ್ಯೋಬಿ ಕರಾಸ್.