Popular Bible Verses from ಯೋಹಾನ 11

ಶೇರ್

ಯೇಸುನೆ ಇನ, “ಮೇಸ್ ಪಾಛು಼ಜಿವ್ತೊ ಹುಯಿರ‍್ಹವಾಳೋಬಿ, ಜಾನ್‌ಬಿ ಹುಯಿರ‍್ಹೋಸ್. ಮನ ನಂಬವಾಳೊ ಮರಿಗಯೊತೋಬಿ ಜಿವ್‌ಶೆ; ಅಜು಼ ಬಚಿರ‍್ಹವಾಳೊ ಹರೇಕ್‌ಜ಼ಣೊ , ಮನ ನಂಬ್ಯೊತೊ ಯೊ ಕದೇಬಿ ಮರ್‌ಶೆಕೊಯ್ನಿ” ಕರಿ ಬೋಲ್ಯೊ.

ಯೇಸುನೆ ಇನ, “ಮೇ ತುನ ಬೋಲ್ಯೊ ಕೊಯ್ನಿಕಿಶು ತೂ ನಂಬಿತೊ, ದೇವ್ನಿ ಮಹಿಮೆನ ದೇಖಿಶ್‌” ಕರಿಬೋಲ್ಯೊ.

ಯೇಸು ರೋಯೊ.

ಯೇಸುನೆ ಅನ ಖ್ಹಮ್‌ಜಿನ್‌ ಬೋಲ್ಯೊ, “ಲಾಜ಼ರ್‌ನ ರೋಗ್‌ ಐರ‍್ಹೂಸ್ತೆ ಮರಣ್ಣಖ್ಹಾಜೆ ಕಾಹೆ, ಅನೇಥಿ ದೇವ್ನ ಅಜು಼ ದೇವ್‌ನೊ ಛಿಯ್ಯಾನ ಮಹಿಮೆ ಮಳಾದೆ ಕರಿ ಆ ಐರ‍್ಹೂಸ್ತೆ” ಕರಿ ಬೋಲ್ಯೊ.

ಆ ಬೋಲಾನ ಬಾದ್‌ಮ, ಯೇಸುನೆ ಜೋ಼ರೆಥಿ ಚಿಕ್ರಿನ್, “ಲಾಜ಼ರ್‌, ಭಾರ್‌ ಉಠೀನ್ ಆವ್!” ಕರಿ ಬೋಲ್ಯೊ. ತದೆ ಮರಿಗಯೊಹುಯೊ ಉಠೀನ್ ಫಾದರ್ ಆಯೊ, ಇನ ಹಾತ್‌-ಗೋಡ, ಮ್ಹೋಡು ಮರ‍್ಯಮುರ್ದಾನ ಲುಂಗ್ಡಾಥಿ ಲಪೆಟೈರ‍್ಹೂಥು. ಯೇಸುನೆ ಇವ್ಣುನ, “ಇನ ಛೋ಼ಡೊ, ಯೋ ಜಾ಼ವಾದೆ” ಕರಿ ಬೋಲ್ಯೊ.

ಯೇಸು ಪಾಛೊ಼ ಇನ ದಿಲ್ಮ ಘಣು ದುಖ್ ಕರ್ತೊಹುಯಿನ್, ಮಖ್ಹಾಣ್ಯನಿ ಘವಿಕನ ಗಯೊ, ಯೋ ಘವಿನ ಬಂಡಾನಿ ಚಿಪಾಟ್‌ಥಿ ಮೂಚಿರಾಖ್ಯುಥು.

ಯೇಸುನೆ ಆ ವಾತೇನ ಬೋಲಿನ್, “ಅಪ್ಣೊ ದೋಸ್ತಿ ಲಾಜ಼ರ್‌ ಖ್ಹುತೋಸ್‌, ಇನ ಉಠಾಡಾನಟೇಕೆ ಮೇ ಹಿಜ್ಜಾ಼ ವಳ್ಯೊಜ಼ವುಸ್‌” ಕರಿ ಇವ್ಣುನ ಬೋಲ್ಯೊ.