Popular Bible Verses from योहन 19

ಶೇರ್

यीसु ना उ पित मिलयो अंगूर को रस टोंड मा लेइस अना कहीस “पूरो भयो।” अना डोस्का डाखके परान छोड़ देइस।

एको मँघा यीसु ना यो जानके की अता सब काही पूरो भयो, पवितर गिरंथ मा जोन कहो गयो उ पूरो भयो, तब कह्यो “मि तहान सेउ।”

जबा यीसु ना आपरी माय अना ओनो चेला ला जेनला उ माया राखत होतो। जवर उभो देखिस ता आपरी माय लक कहीस हे बाया देख यो तोरो टूरा से। तबा ओना चेला लक कहीस, यो तोरो माय से। अना वोच बेरा लक उ चेला ओला आपरो घर ले गईन।

पर जबा यीसु को जवर आयके चोविन की उ मर चुकयो तो ओकी टाँग नही तोड़ीन। पर सिपाही मा लक एक ना बरछी लक ओको पसरी मा मारयो, अना ओमा लक तुरंत रकत अना पानी हिटियो।

यो गोस्टी एको लाई भई का पवितर गिरंथ मा कव्हयो गयो होतो, उ पुरो भयो। “ओकी एक भी हाड़ नही तोड पाहे।” मँग एक जघा पवितर गिरंथ पर यो लिखो से “जोनना वोला छेदयो, वाच वोको कन चोवयो।”

तबा वय यीसु ला ले गईन, अना उ आपरो कूरूस उठायके उ जघा तकन बाहेर गयो, जो कवटी को जघा कहलावासे अना इबरानी मा गुलगुता।

सिपाई ना कांटा झाड़ को मुकुट गुथके ओको डोस्का मा राखिन अना ओला बेजनी कपरा पहनाय देईन।