Popular Bible Verses from पेरीत 5

ಶೇರ್

पतरस अना पेरीतगीन न असो जवाब देइन, “मानूस गीन को बजाय परमेस्वर को गोस्टी ला माननो जरूरी सेत।”

मंग वय मंदिर अना घर-घरमा हरेक दिवस सदा ऐना साजरो बारता ला आयकावन लगीन। का यीसु च मसीह से। उपदेस देवनो अना चरचा करनो नही सोड़िन।

ऐको पर पतरस न कहीस, अरे हनन्याह; सैतान ला तुना आपरो मनमा यो गोस्टी कायलाई डाखन दियो? का तुना पवितर आतमा लक खोटो सांगे, अना बोकी जमीन को रकम लक काही बचाय के राख लियो। जब तक तुना उ जघा ला बिकी नही होतयो का वा तोरी नही होती? पर जब तुना ओला बिक दियो, अना जोन धन मिलयो उ तोरोच होतो, मंग तुना आपरो डिमाक मा खोटो बोलन को कायलाय सोचयो? तुना मानूस लक नही, पर परमेस्वर लक खोटो सागिसेस। यो गोस्टी आयकत च उ भुईमा पड़ गयो, अना उ मर गयो। वय सबच जोन यो गोस्टी आयकत होतिन, उनमा भेव समा गयो।

एको लाई ऐना बेरामा, मी तुम्हिला कव्हसू, ऐना लोकहुन लक बेगरो रव्हो। इनको मामला मा कोनी काम नोको करो, इनला एकलो राख देव अदि इनको पिलान अना काम मानूस को कन लक सेत, त आपरो आप खतम भयी जाहेत। पर अदी यो काम परमेस्वर को कन लक सेत, ता तुमी येला नही रोख सकसो। अना तबा होय सकसे, तुमी आपरो आपला परमेस्वर को बिरोध मा पाहो।” उनना वोको बात मान लेइन।