Popular Bible Verses from Mateo 9

ಶೇರ್

Sekyi'i ti iyonayi 'ate japo t'eyasajnas: —Siunie inwomik ti ja tiliena'a isajk'i, 'yina siunapo janla'ne je 'loj. Naka'ne ni siunie ti ja 'ajlayi ni jikimet nak inwomik, ka injlo' napo inkijmayewos ka inla'ne.

Maye'ni, ni'neyasanayi siunie iyoyi niwak Sinia' jlamtis t'ipi ti iyo'ate: “Kap'ijliuskiye, nak awojonk'iye. Siunie ti jilianajyi'n niwa wakiajas ti jijwejla ka siwunitie, nak je awojonk'iye.” 'Yina siuti ana'am, je napok ka iniame napo isis, 'wenajliyi jla'am ti aname napok siunapo inkeyis jiliajnis.

Ti i'yenaja'n japo i'nio', sekyi'i iyone 'ate: —Wuj wata'a ti p'ijliusis. Kajeyepa ti iyoye'ate niwa sontas ti laj jika'nionaja kan'yena, ji'niayi je 'es ka nek'ni, jla'yi ti jikanowe iliajne'n, it'imina ti laj jijweyeja'.

Ti Jesús ipi'yayeyi, iyo'ne 'ate: —Siunapo je isis napok 'yu'we ti isitia'n na inkakiewo. Jlampet siunapo isis, napok je isitia'n pet.

Jesús iniuk'i'ni jawa isi'il siu'neje jawa ji'wetis jilis japo i'nio', ti taka'neyasa'n yi'i jawa t'ajla'wetis jla'am japo i'nio'. Ti iyo ka'niyeja' ti ijwi'il kiwa Sinia' jlamtis, ti niwaka jika anechijiayas. Ijwiejiete wikie'eyi kiwa jiwet'ia iyo japo i'nio', siu'neje kiwa iliatits'i yijits'i jawa t'ajwes japo i'nio'.