Popular Bible Verses from Huwan 6

ಶೇರ್

Bag-u sinabi ni Hisus sa kanda magkun, “Aku ti ga karan-unun makapakaun buhi sa manga tawu. Tigpasakup sa kangku balaw yi lun-usun, tigsarig sa kangku dayi uwawun una hanggan aban.

Ispiritu Diyus ti may gimpuunan buhi. Nu tawu lang unman makapakaun buhi. Nu tanggapun niyu kang manga bagaw, matanggap waydi niyu ti Ispiritu imaw ti makapakaun buhi sa kanyu.

Danga kamu magbudlay tungkul lang sa karan-unun magkabangsiw. Pagmasigasid kamu hampay matanggap niyu ti karan-unun unman magkabangsiw, imaw ti makapakaun tutuu pag buhi unman may katapusan. Tunda ngani pag karan-unun ti ipakaun Anak Tawu sa kanyu dahil may tinanggap siya karampatan ginan sa Diyus Ama.”

Dahil inda yi ngani ti kagustuhan niku Ama hampay una si unu pag tawu ti nakakit sa Anak bag-u nagsarig sa kanya, makatanggap tutuu pag buhi unman may katapusan. Buhiun niku siya uman sa katapusan panahun aban.”

Sinmagut si Hisus magkun, “Inda ngani kay gustu Diyus kanyu buwatun, pagsarig kamu sa kay sinugu Diyus.”

Una si unu pag tawu nu iinintirga Ama sa kangku, pumasakup ngani tunda sa kangku. Ti tawu nu pumasakup sa kangku balaw kang dayuun.

Sinmagut si Simun Pidru, magkun, “Panginuun, hintay waya gid kanmi dangpan? Kanmu sinabi pag manga bagaw ti makapakaun tutuu pag buhi unman may katapusan sa manga tawu.

Aku ti nagsitay ginan sa langit ga karan-unun makapakaun buhi. Nu kan-un tawu inda pag karan-unun, may tutuu pag buhi siya unman may katapusan. Ti karan-unun kang ipakaun imaw yi kang bilug sa ikabuhi manga tawu sa babaw daga.”

Unman may tawu makapasakup sa kangku purya lang nu siya butungun niku Ama, imaw ti nagsugu sa kangku. Bag-u buhiun niku siya uman sa katapusan panahun aban.

Dahil ti karan-unun pag-ipakaun Diyus imaw ngani tigpakababa ginan sa langit magpakaun tutuu pag buhi sa manga tawu sa babaw daga.”

Aku ti ga karan-unun makapakaun buhi sa manga tawu.

Bin-ul ni Hisus ti manga tinapay, nagpasalamat siya sa Diyus, bag-u kay inayaw-ayaw sa manga tawu matukawan ati. Kumun diman kay binwat sa manga isda. Pinasugtan kanda gustu sa kaun. Pagka nabsug sida tanan, sinabi ni Hisus sa kay manga tuludluan magkun, “Tipuna duy niyu ti nasawad manga pinikapika tinapay hampay balaw mauyang una lang diit.”

Nakabugsay yi ti manga tuludluan manga lima aw ngatay unum ka kilumitru ginan sa saruy bag-u nakitan nida si Hisus maglakaw sa babaw danum, magpakarani sa duunduun. Nadala gid sida masyadu. Dapat sinabi niya sa kanda, “Aku di, danga kamu magkadala.”