Popular Bible Verses from Mateo 5

ಶೇರ್

Myhendyhã lampara ñonoã verã mbai hyrupe, vateñoĩ ñonohã, sapehe verã opaite o'ipe õre. Kyrã jyve pee mbai sapeva rãĩmipo pysape opavare hỹnonde, haire hesha haikaviva pijaporã, õmombaivasupo jyve Teru vate arape'õ.

Pee rãnga hai mbai sapeva ko yvy'ĩãrẽ. Pente tenta yvyturusu ĩãrẽ'õ katuãpo heshahã.

Vy'apo reta pyape kyambare, shara haire heshapo Tũpa.

Vy'apo opaite ñymbahy'iare hareka hekope ju'uheva, haipo meẽshu reta Tũpa potava.

Tẽvã she hai pee: Pyhaihu pyndyreshatamba'iare, pimboihe piniñono porãmba'iare

Vy'apo reta je'espiritupe pavete'ia, shara haire pevãrã hai huvisha vasu vate arapy'õ.

Vy'apo reta õñehãã pirĩmbi'iko kaviva, haire he'iaposhu: “Tũpa tayre”.

Vy'apo reta ã'ẽ vyamba'iare, shara Tũpa meẽposhu mbypya kavi verã.

Vy'apo reta hasa'asyva, mbai hekope kavi japo'irã, shara haire ña'ãpova huvisha vasu vate arapy'õ ryheva.

Vy'apo reta hapisha parekova, Tũpa parekoposhu reta.

Pyvy'apo kuaretare hehei'iperã, pyhasa'asyrã, hareka shyree rupii heta mbai ãñetembaa he'ia pyndyreherã. Pyvy'a, hareka pyndypya hory, shara vate arape ĩme'ẽ me'ẽãpe verã, kyrãmba hasa'asy jyve arykai Tũpa ĩñee mbeu'iare tynonde pyndyhevi vekuare.

Vy'apo reta jyrojamba ijehevare, me'ẽãposhu yvy Tũpa meẽ verã haire ña'ãporã.

Pee rãnga juky rãĩmi kuaretare pevarã yvy ĩãrẽ. Juky hymboshyveamarã, mbaivapera mymboshyhapojy? Porãveãma; hãma momboha katuape kuaretare pyrõ'ẽhe verã.

Pee rãnga pyndyreko kavipo, Peru vate arapy'õ heko kaviva rãĩmi.

Koñei “Ẽẽ” pererã, katu pijapo; tẽvã “Mba'ety” pererã avy pijapo, shara ĩãrẽve pijapoheva, porãmbama hai hokava.

Pee pyhendu he'iambajy aryka'e: “Ĩme'ẽ hapisha hesa mombushivarã, mombuhaĩpo jyveshi; hapisha hãĩ ityshia, ityhãipo jyveshi”. Tẽvã she hai pee: Avy pymbyhekoviajyshu mbai porãmba japo pyndyreheva; ĩme'ẽ ndyrovaipi nupavarã, meẽjyshu ndyrova hyvaisho.

Ndyresa ndakata kyty'õ ndirity mbai porãmbaperã; nohẽ mombo mbyry, haikavivepo mishĩĩ õñehũndi ndyrete, mahẽ opaĩ ndyrete mombohakui tata vasupe. Ndepo ndakata kyty'õ ndirity mbai porãmbaperã; jasyja mombo mbyry, haikavivepo mishĩĩ õñehũndi ndyrete, mahẽ opaĩ ndyrete mombohakui tata vasupe.